وزبەكستاننىڭ حيۋا قالاسى - 2020 -جىلعى تۇركى الەمىنىڭ مادەني استاناسى

تۇركسوي باس حاتشىسى دۇيسەن قاسەيىنوۆ تاشكەنتتە وزبەكستان رەسپۋبليكاسىنىڭ مادەنيەت ءمينيسترى باحتيار سايفوللايەۆپەن كەزدەسۋ بارىسىندا تۇركسوي مەن وزبەكستان اراسىنداعى مادەنيەت جانە ونەر سالاسىنداعى ىنتىماقتاستىق ماسەلەلەرىن تالقىلادى. وسى كەزدەسۋدە وزبەكستاننىڭ حيۋا قالاسى تۇركى مادەنيەتىنىڭ 2020 -جىلعى استاناسى بولىپ جاريالاندى.

«وزبەكستان پرەزيدەنتى شاۆكات ميرزيەيەۆ تۇركى تىلدەس مەملەكەتتەر باسشىلارىنىڭ سامميتىندە 2020 -جىلى تۇركى الەمىنىڭ مادەني استاناسى رەتىندە ەجەلگى، تاريحي حيۆا مۋزەي- قالاسىن جاريالاۋدى ۇسىنعانى بارشاعا بەلگىلى. ءبىز تاياۋدا وش قالاسىن 2019 -جىلعى تۇركى مادەنيەتىنىڭ استاناسى ەتىپ جاريالادىق. 2020 -جىلى بۇل ەستافەتانى حيۋا قالاسى الادى» ، - دەپ حابارلادى تۇركسوي باس حاتشىسى.

 ەسكە سالساق، تۇركيانىڭ كاستامونۋ قالاسىنىڭ 2018 -جىلعى تۇركى دۇنيەسىنىڭ مادەني استاناسى بولىپ جاريالانۋىنا بايلانىستى سالتاناتتى شارا وتكەنى تۋرالى جازعان بولاتىنبىز. ال 2019 -جىلعى تۇركى دۇنيەسىنىڭ مادەني استاناسى - وش قالاسى.

اۆتور: ميراس قۋاندىقوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى