قازاقستان دۋبايداعى ەكسپو-2020 كورمەسىنە قاتىسادى

بۇل تۋرالى قازاقپارات «استانا ەكسپو-2017» ۇ ك» ا ق باسپاءسوز قىزمەتىنە سىلتەمە جاساپ حابارلايدى.

ۇيىمداستىرۋشىلاردىڭ مالىمدەۋىنشە، ەكسپو كورمەسى تاياۋ شىعىستا ءبىرىنشى رەت وتكەلى وتىر جانە ونى 25 ميلليون ادام تاماشالايدى دەپ كۇتىلۋدە.

«دۋباي شاھارىنداعى دۇنيەجۇزىلىك ەكسپو كورمەسى 2020 -جىلدىڭ 20 - قازانىنان 2021 - جىلدىڭ 10 -ءساۋىرى ارالىعىندا «بولاشاق ءۇشىن سانا- سەزىمدى بىرىكتىرۋ» تاقىرىبىندا وتەدى. ونىڭ ىشىندە «مۇمكىندىك»، «موبيلدىلىك» جانە «تۇراقتىلىق» ۇعىمدارىنا باسا ءمان بەرىلمەك»، - دەلىنگەن باسپا ءسوز قىزمەتىنىڭ حابارلاماسىندا.

كورمە كەشەنى «ءۇش جاپىراق» پىشىندە ۇسىنىلعان، ونىڭ ديامەترى 150 مەتردى قۇرايتىن ورتالىق نىسانى «ءال- ۆاسل» پلازاسى دەپ اتالادى. ورتالىق نىسان جانىندا بىرىككەن اراب امىرلىكتەرىنىڭ پاۆيلونى مەن 3 تاقىرىپتىق كلاستەر ورنالاسادى.

ەكسپو كەشەنىنىڭ جالپى اۋماعى 438 گەكتاردى قۇرايدى. وندا 150 گ ا بولاتىن كورمە اۋماعى، جەرءۇستى مەترو ستانساسى، «Dubai South Mall» ساۋدا ورتالىعى، تۇرعىن ۇيلەر، لوگيستيكالىق جانە قوناق ءۇي نىساندارى بار.

قازىرگى ۋاقىتتا «ەكسپو-2020 دۋباي» كورمەسىنە 170 ەل قاتىساتىندىعىن راستادى جانە 55 ەل كەلىسىمگە قول قويىلعان.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى