استانا- الماتى تاس جولى 2020 - جىلعا دەيىن اقىلى بولادى

 «استانا - الماتى» جولى ءتورت جولاقتى، ءبىرىنشى ساناتتا سالىنادى. سوعان سايكەس ول وتە جايلى بولادى. بيىلدان باستاپ قاراعاندىدان الماتىعا دەيىنگى قۇرىلىستى باستايمىز»، - دەدى ب ا ق وكىلدەرىنە سۇحبات بەرگەن ول.

سونىمەن قاتار ول تاياۋ جىلدارى ىشىندە «الماتى- قورعاس»، «استانا- اتباسار»، «شىمكەنت- تاراز» جانە «شىمكەنت- قىزىلوردا» اۆتوجولدارىندا جۇرۋگە اقى الۋ جوسپارلانىپ وتىرعاندىعىن ايتتى.

بۇعان دەيىن «استانا- تەمىرتاۋ»، «الماتى- تالدىقورعان» جانە «الماتى- قورعاس» اۆتوماگيسترالدارىنىڭ قۇرىلىسى وسى جىلدىڭ ىشىندە اياقتالاتىندىعى حابارلانعان ەدى.

ونىڭ تۇسىندىرۋىنشە، اقى الۋ جۇيەسىن ەنگىزۋ اۆتوموبيل جولدارىنا كەلەتىن شىعىندى وتەۋ قارجىسى رەتىندە ەنگىزىلەدى.

«اعىمداعى جىلى جوسپارلاۋ باستالادى. سوعان سايكەس، جوبا دايىن بولعاننان كەيىن ونى بىردەن جۇزەگە اسىرۋ باستالادى»، - دەدى س. بارماقوۆ.

كوميتەت ءتوراعاسى ورىنباسارىنىڭ مالىمەتتەرىنشە، 2020 -جىلعا دەيىن قازاقستاندا ۇزىندىعى 7 مىڭ شاقىرىم اۆتوموبيل جولىن اقىلى نەگىزگە كوشىرۋ جوسپارلانىپ وتىر.

«اقىلى جولداردى (2020 -جىلعا دەيىن) «باتىس ەۋروپا - باتىس قىتاي» حالىقارالىق دالىزىندە، «استانا- الماتى»، «استانا- پاۆلودار- وسكەمەن»، «استانا - پەتروپاۆل - ر ف شەكاراسى» ۋچاسكەلەرىندە ەنگىزۋ جوسپارلانۋدا»، - دەدى ول.

ونىڭ سوزىنە قاراعاندا، اۆتوموبيل جولدارىن پايدالانعانى ءۇشىن الىناتىن اقىنى كوتەرۋ ماسەلەسى تالقىلانعان ەمەس.

 «جەڭىل اۆتوموبيلدەر ءۇشىن 1 شاقىرىمعا 1 تەڭگە، جۇك كولىكتەرىنەن 1 شاقىرىمعا 20 تەڭگە الىنادى. باعا سول كۇيىندە قالادى. بولاشاقتا، جولدار پايدالانۋعا بەرىلگەننەن كەيىن سايكەسىنشە شەشىمدەر قابىلدانادى»، - دەدى س. بارماقوۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى