قازاقستاننىڭ جاس زىلتەمىرشىلەرى 2020-جىلعى وليمپياداعا دايىندالۋدا

بۇل تۋرالى قازاقپارات تىلشىسىنە فەدەراتسيا باسپا ءسوز قىزمەتىنەن ءمالىم ەتتى.

«دوپينگ تەك قانا ابىرويدى توگىپ قانا قويماي، سپورتتاعى كەلەڭسىزدىككە دە بوي الدىرتادى. ءادىل ءارى تازا كۇرەس قانا جەڭىسكە جەتۋ ساتىنەن ءلاززات الىپ، جارىستارعا قاتىسۋعا مۇمكىندىك بەرەدى»، - دەدى جاس سپورتشىلارعا ءسوز ارناعان ق ر اۋىر اتلەتيكا فەدەراتسياسىنىڭ باس حاتشىسى ومار مۇستافين.

سەمينار بار بارىسىندا ماماندار جاس سپورتشىلارعا ءادىل كۇرەستىڭ نەگىزگى ۇستانىمدارى مەن دوپينگ قاۋىپى جايىندا ايتىپ بەردى. ايتا كەتەرلىگى، ەندىگى ۋاقىتتا مۇنداي سەمينار اي سايىن وتكىزىلەتىن بولادى. كەلەسى شارا ناۋرىز ايىنا جوسپارلانعان.

ەستەرىڭىزگە سالا كەتەيىك، سوڭعى ايلاردا شەكتەۋ قويىلعان پرەپاراتتاردى پايدالاندى دەگەن كۇدىكپەن جاس زىلتەمىرشىلەرىمىز يگور سون مەن تاتيانا كاپۋستينا 2015-جىلى وتكەن جاسوسپىرىمدەر اراسىنداعى الەم چەمپيوناتىنىڭ مەدالىنەن قاعىلعان بولاتىن. دەگەنمەن، ەلىمىزدىڭ اۋىر اتلەتيكا فەدەراتسياسىنىڭ ارالاسۋىمەن ولاردىڭ كىناسى جوق ەكەندىگى دالەلدەندى. سپورتشىلار بيولوگيالىق بەلسەندى قوسپالاردىڭ ورنىنا سپورتتا شەكتەۋ قويىلعان سۋبستانتسيانى پايدالانعاندارىن بىلمەگەن. سپورتشىلار قازىرگى ۋاقىتتا جاتتىعۋلارىن جالعاستىرىپ، الداعى جارىستارعا دايىندىق جۇرگىزۋدە.

2015-جىلعى اۋىر اتلەتيكادان الەم چەمپيوناتىندا جۇلدەگەر اتانعان سپورتشىلارىمىزعا قاتىستى تەرگەۋ امالدارى جالعاسۋدا. ەستە بولسا، الماس وتەشوۆ، جاسۇلان قىدىربايەۆ جانە ەرمەك ءومىرتاي دوپينگكە قارسى ەرەجەنى بۇزدى دەگەن كۇدىكپەن حالىقارالىق جارىستارعا قاتىسۋ قۇقىعىنان ۋاقىتشا شەتتەتىلگەن ەدى. امەريكانىڭ حيۋستون قالاسىندا وتكەن الەم چەمپيوناتىنان كەيىن سپورتشىلاردان الىنعان «ا» سىناماسىنان تىيىم سالىنعان اندروگەندىك سەرويدتار تابىلعان.

ق ر اۋىر اتلەتيكا فەدەراتسياسى دوپينگ-تەرگەۋ ناتيجەلەرى تاياۋ 2 ايدىڭ ىشىندە بەلگىلى بولاتىندىعىنا ءۇمىت ارتۋدا.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى