قىتاي 2020 - جىلى حيميالىق تىڭايتقىشتان باس تارتپاق

بۇل تۋرالى «شينحۋا» اگەنتتىگىنە اۋىل شارۋاشىلىعى ءمينيسترى بي مەيتسزيا ءمالىم ەتتى.

مينيسترلىكتىڭ ايتۋىنشا قازىرگى كۇنى قىتايداعى ەگىستىك جەرلەرىنىڭ 70 پايىزى قۇنارسىز بولىپ كەلەدى. حيميالىق تىڭايتقىشتاردى ارتىق مولشەردە پايدالانا بەرۋ اگرارلىق سەكتورداعى ەكولوگيالىق جاعدايدى كۇردەلەندىرىپ وتىر. سونداي- اق ەگىستىكتى جەردىڭ 40 پايىزىنان استامى وتە قۇنسىز ەكەندىگى انىقتالعان. اتالعان سەبەپ پەن سالداردىڭ كەسىرىنەن جەر استى سۋلارىنىڭ لاستانۋى نەگىزگى پروبلەمالاردىڭ ءبىرى بولىپ وتىر.

ەندى قىتاي اۋىل شارۋاشىلىق مينيسترلىگى بۇلىنگەن جەرلەردىڭ قۇنارلىلىعىن قايتا قالپىنا كەلتىرىپ، ونى حالىق شارۋاشىلىعىنا پايدالانۋعا بەرۋ جانە قورشاعان ورتانى جاقسارتۋ ءۇشىن كەشەندى جۇمىستار جۇرگىزبەكشى. «توپىراق ءتۇزۋشى فاكتورلار مەن توپىراق ءتۇزىلىمدىك ۇردىستەردى ەسەپكە الا وتىرىپ جەردى قۇنارلاندىرۋ ماڭىزدى. توپىراقتىڭ قۇنارلى قاباتىن قايتا قالپىنا كەلتىرەتىن اگروتەحنيكالىق جانە فيتومەليوراتيۆتىك جۇمىستار جۇرگىزۋ، توپىراقتىڭ قۇرىلىمىن جاقسارتاتىن پروتسەستەردىڭ ءجۇرۋىن تەزدەتۋ، قۇنارلانعان جەرلەردە وسىمدىكتەر مەن جانۋارلار دۇنيەسىن قالپىنا كەلتىرۋ مەن ونىڭ ءونىمىن ارتتىرۋ باستى نازاردا بولادى» دەيدى مينيستر بي مەيتسزيا.

ايا ءومىرتاي

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى