تۇرعىن ۇيگە بايلانىستى «قولجەتىمدى باسپانا - 2020» باعدارلاماسىن ىسكە اسىرۋ جالعاسىپ جاتىر
بانك ەكى باعىت - «جاس وتباسىلارعا ارنالعان باسپانا» جانە «حالىقتىڭ بارلىق ساناتىنا ارنالعان باسپانا» بويىنشا «قولجەتىمدى باسپانا - 2020» باعدارلاماسىن ىسكە اسىرۋدى جالعاستىرادى.
«قولجەتىمدى باسپانا - 2020» باعدارلاماسى اياسىندا كوزدەلگەن قۇرىلىس كولەمدەرى وزگەرىسسىز قالادى.
سونىمەن، 2015 - جىلى بانك جەلىسى بويىنشا «بارلىق حالىق ساناتىنا ارنالعان باسپانا» باعىتى بويىنشا 326 مىڭ شارشى مەتر ءۇي پايدالانۋعا بەرۋ جوسپارلانعان.
«جاس وتباسىلارعا ارنالعان باسپانا» باعىتى بويىنشا - 213 مىڭ شارشى مەتر بەرىلمەك. ەلدە 2020 -جىلعا دەيىن بارلىعى 2 ميلليون 806 شارشى مەتر تۇرعىن ءۇي سالىنادى.
«تۇرعىن ءۇي قۇرىلىس جيناق بانكىندە» وسى جىلدىڭ 1 - قاڭتارىنان باستاپ، «قولجەتىمدى باسپانا - 2020» باعدارلاماسى دەربەس جۇمىس ىستەمەيتىنىن ايتتى. بۇل باعدارلامامەن بىرگە تاعى ءتورت مەملەكەتتىك باعدارلاما قۇرامىنا كىرگىزىلدى. ونى ۇكىمەت 2014 -جىلعى 28 - ماۋسىمداعى قاۋلىسىمەن بەكىتتى. جاڭا قۇجات وڭىرلەر مەن اگلومەراتسيانى كەشەندى دامىتۋعا ارنالعان.
