الماتى 2020 - جىلعا دەيىن توزىعى جەتكەن تۇرعىن ۇيلەردەن تولىق تازارتىلادى
بۇل تۋرالى بۇگىن تۇركىسىب اۋدانىندا 1931-1963 - جىلدار ارالىعىندا سالىنعان جانە ابدەن توزىعى جەتكەن 1-2 قاباتتى تۇرعىن ۇيلەردىڭ 107 وتباسىنا جاڭا پاتەرلەردىڭ كىلتىن تابىس ەتۋ بارىسىندا قالا اكىمى احمەتجان ەسىموۆ مالىمدەدى.
«2012-2015 - جىلعا ارنالعان «ەسكى تۇرعىن ۇيلەردى ءسۇرۋ» قانات قاقتى باعدارلاماسى ءوزىن تولىعىمەن اقتادى. ول قالا تۇرعىندارى اراسىندا ۇلكەن قولداۋعا يە بولدى. ەندى وسى باعىتتا 2015-2020 - جىلدارعا ارنالعان جاڭا باعدارلاماعا 20 ميلليارد تەڭگە ءبولۋ جوسپارلانۋدا. بۇل جەردە «بايتەرەك» ۇلتتىق باسقارۋشى حولدينگى» ا ق وعان 10 ميلليارد تەڭگە ءبولىپ وتىر. الماتى قالاسى اكىمدىگى جانىنداعى «كۇردەلى قۇرىلىس كاسىپورنى» ج ش س 5 ميلليارد تەڭگە بولسە، الداعى 2015 - جىلى الماتى قالاسىنىڭ اكىمدىگى ءوزى شىعاراتىن وبليگاتسيادان تۇسەتىن قارجىدان اتالمىش باعدارلاماعا قوسىمشا تاعى 5 ميلليارد تەڭگە بولەدى. وسىلايشا 2020 - جىلعا دەيىن توزىعى جەتكەن تۇرعىن ۇيلەردە تۇراتىن تۇرعىنداردىڭ باسپانا ماسەلەسىن تولىق شەشۋ كوزدەلۋدە» ، - دەدى تۇرعىندار الدىندا سويلەگەن سوزىندە قالا باسشىسى احمەتجان ەسىموۆ.
ايتا كەتەلىك، العاشقى باعدارلاما بويىنشا 2012-2015 - جىلدار ارالىعىندا قالادا 55 ەسكى تۇرعىن ءۇي ءسۇرىلىپ، 67 جاڭا كوپقاباتتى تۇرعىن ءۇي سالۋ جوسپارلانعان. ەندى، 2020 - جىلعا دەيىن ۇزارتىلعان كەڭ كولەمدى باعدارلامانى جۇزەگە اسىرۋعا جەكە قۇرىلىس كومپانيالارى دا تارتىلاتىن بولادى. ال جاڭادان سالىناتىن تۇرعىن ءۇي پاتەرلەرىنىڭ بەلگىلى ءبىر پايىزى «قولجەتىمدى باسپانا» باعدارالماسى بويىنشا بەرىلەدى.
تاعى ءبىر ايتا كەتەتىن جايت، قالادا قازىرگى تاڭدا 943 توزىعى جەتكەن 1-2 قاباتتى تۇرعىن ۇيلەر تىركەلگەن. ولاردىڭ باسىم بولىگى تۇركىسىب اۋدانىندا ورنالاسقان.
اۆتور: جاپپاربەرگەن ايبوتا
