2020-جىلى قازاقستاندا 9,8 مىڭ شاقىرىم جول جوندەلىپ، جاڭعىرتىلدى - مينيسترلىك

قۇرىلىس، رەكونسترۋكتسيالاۋ جانە جوندەۋ جۇمىستارىمەن رەسپۋبليكالىق جانە جەرگىلىكتى ماڭىزى بار جولداردىڭ 9,8 مىڭ شاقىرىمى قامتىلدى.

بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنىڭ Telegram كانالىنان ءمالىم بولدى، دەپ حابارلايدى قازاقپارات.

ماسەلەن، قۇرىلىس جانە جاڭارتۋ جۇمىستارى 4 مىڭ شاقىرىم جولعا جۇرگىزىلدى.

اتاپ ايتساق، «قاراعاندى-بالقاش- بۇرىلبايتال-قۇرتى»، «اقتوبە-اتىراۋ-استراحان»، «تالدىقورعان-وسكەمەن»، «قالباتاۋ-مايقاپشاعاي»، «كوكشەتاۋ-پەتروپاۆل-كورعان»، «ۇزىناعاش-وتار»، «مەركە-بۇرىلبايتال»، «قوستاناي-دەنيسوۆكا» جانە «ءۇشارال-دوستىق» جوبالارى.

ال جوندەۋ جۇمىستارى 1,8 مىڭ شاقىرىم رەسپۋبليكالىق جەلىنى قامتىدى: كۇردەلى جوندەۋ - 433 كم، ورتاشا جوندەۋ - 1385 كيلومەتر. جىل سوڭىندا 2,6 مىڭ شاقىرىم اۆتوجولدا قوزعالىس جاندانىپ، رەسپۋبليكالىق ماڭىزى بار 1,1 مىڭ شاقىرىم تاسجولدا جوندەۋ جۇمىستارى اياقتالدى.

وبلىستىق جانە اۋداندىق ماڭىزدى جولداردىڭ 4 مىڭ شاقىرىمى قامتىلىپ، جۇمىستار 2,7 مىڭ شاقىرىمىندا اياقتالدى.

بۇدان بولەك، 2020 -جىلى اۆتوموبيل جولدارىن ءوزىن-ءوزى كۇتىپ-ۇستاۋعا كوشىرۋ ماقساتىندا 5,8 مىڭ شاقىرىم جولعا اقى الۋ جۇيەسى ەنگىزىلدى. سونداي-اق، ەلدىڭ ءبىرقاتار وڭىرىندە قوعامدىق تىڭداۋلار وتكىزىلدى. جىل قورىتىندىسى بويىنشا اۆتوجولداردىڭ ۇلتتىق ستاندارت تالاپتارىنا سايكەس كەلەتىن جول بويىنداعى سەرۆيس نىساندارىمەن قامتاماسىز ەتىلۋى %58 عا جەتكىزىلدى.

اتاپ ءوتۋ كەرەك، اۆتوجول جوبالارىن جۇزەگە اسىرۋ بارىسىندا 200 مىڭ ادام جۇمىلدىرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى