قازاقستان لوگيستيكانىڭ تيىمدىلىگى يندەكسى 2020-جىلعا قاراي رەيتينگىندە 88 دەن 40- ورىنعا كوتەرىلەدى

اتاپ ايتقاندا، دۇنيەجۇزىلىك بانكتىڭ سوڭعى ەسەپتەۋلەرى بويىنشا بۇگىندە ەلىمىز لوگيستيكانى دامىتۋ يندەكسى بويىنشا 88- ورىندا تۇر. 2007-جىلى قازاقستان بۇل رەيتينگتە 133- ورىندا بولعان.

بۇگىن 10- دۇنيەجۇزىلىك يسلام ەكونوميكالىق فورۋمىندا سويلەگەن سوزىندە مەملەكەت باسشىسى ن. نازاربايەۆ قازاقستان شەتەلدىك ينۆەستورلاردى تارتۋ ءۇشىن بارلىق جاعدايدى جاساپ، كولىك-لوگيستيكالىق قۇرىلىمدى قۇرىپ جاتقاندىعىن اتاپ ءوتتى.

ەلباسى اتقارىلعان جۇمىستاردىڭ ارقاسىندا 10 مىڭ شاقىرىمنان اساتىن اۆتوموبيل جولدارى جانە 2,5 مىڭ شاقىرىم تەمىر جول سالىنعانىن جانە قايتا جوندەۋدەن وتكەنىن، قىتايدان پارسى شىعاناعىنا دەيىنگى قاشىقتىق 1200 شاقىرىمعا قىسقارعانىن ايتىپ ءوتتى.

ەسكە سالا كەتسەك، قازاقستان رەسپۋبليكاسى كولىك جۇيەسىنىڭ ينفراقۇرىلىمىن دامىتۋدىڭ جانە ىقپالداستىرۋدىڭ 2020-جىلعا دەيىنگى مەملەكەتتىك باعدارلاماسى اياسىندا 30 مىڭ شاقىرىم اۆتوكولىك جولدارى مەن 8,2 مىڭ شاقىرىم تەمىرجول جەلىلەرى قايتا جاڭارتىلادى جانە جوندەۋدەن وتەدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى