قازاقستاندا 2020 - جىلعا دەيىن 7 مىڭ شاقىرىمعا تارتا اۆتوجولدار اقىلى بولادى

 بۇل تۋرالى بۇگىن پارلامەنت سەناتىنىڭ وتىرىسىندا «قاز اۆتو جول» ۇ ك باسقارما ءتوراعاسىنىڭ ورىنباسارى ۇلان ءالىپوۆ ءمالىم ەتتى.

«قاز اۆتو جول» وكىلىنىڭ ايتۋىنشا، استانا- بۋراباي اقىلى اۆتوجولى 2013 - جىل ىسكە قوسىلعان. سول جارتىجىلدىقتا 600 ميلليون تەڭگە تۇسسە، 2014 - جىلى - 1 ميلليارد 200 مىڭ تەڭگە، ال 2015 - جىلدىڭ باسىنان بەرى 700 ميلليون تەڭگە شاماسىندا قارجى تۇسكەن. قاراجات جولدى كۇتىپ ۇستاۋعا تولىق كەتىپ، اقىلى جول ءوزىن- ءوزى قامتاماسىز ەتۋدە.

«الداعى ۋاقىتتا ءبىز 2020 - جىلعا دەيىن رەسپۋبليكاداعى 7 مىڭ شاقىرىمعا جۋىق جولداردى اقىلى نەگىزگە وتكىزۋدى جوسپارلايمىز. اقىلى جولداردىڭ ارقاسىندا ءبىز اقىسىز جولداردى دا كۇتىپ ۇستايتىن بولامىز، ياعني ءبىرىنىڭ تابىسىن ەكىنشىسىنە الماستىرۋ جاعىن ويلاستىرۋدامىز»، - دەدى سەناتورلار ساۋالىنا جاۋاپ بەرگەن ۇلان ءالىپوۆ.

 ايتا كەتەرلىگى، سەناتتا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول- كولىك ينفراقۇرىلىمىن، كولىكتىك لوگيستيكانى جانە اۆياتاسىمالدى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلدانعان بولاتىن. قۇجات بويىنشا ەلىمىزدەگى اۆتوموبيل جولدارىن باسقارۋ جونىندەگى ۇلتتىق وپەراتوردىڭ («قازاۆتوجول» ۇك- رەد. ) اۆتوموبيل جولدارىن كۇتىپ- ۇستاۋداعى جانە جول سەرۆيسىن دامىتۋداعى جاۋاپكەرشىلىگىن بەكىتۋ بويىنشا قىزمەتتى جەتىلدىرۋ قاراستىرىلادى. سونىمەن قاتار، ۇلتتىق وپەراتورعا قارجىلاندىرۋدىڭ بالاما كوزدەرىن تارتۋ جانە بىرتىندەپ ءوزىن- ءوزى قارجىلاندىرۋعا كوشۋ مۇمكىندىگى بەرىلەدى.

 بۇدان بولەك، ازيادان ەۋروپاعا ترانزيتتىڭ كەدەرگىسىز وتۋىنە اسەر ەتەتىن «ەۋرازيالىق ترانس قۇرلىقتىق ءدالىزى» اتتى مۋلتيمودالدى كولىك ءدالىزىن قۇرۋعا جاعدايلار جاسالادى. مۇنىڭ ءوزى «نۇرلى جول» باعدارلاماسىندا قامتىلىپ وتىر ءارى بۇل قىتايدىڭ «جىبەك جولىنىڭ» ەكونوميكالىق بەلدەۋى جوباسىمەن ۇيلەسەدى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى