قازاقستان 2020-جىلى ساياحاتتاپ بارۋعا ءتيىستى 5 ەلدىڭ قاتارىنا ەندى
«اتالعان قوعامنىڭ رەيتينگىسىنە سايكەس الەمنىڭ تۇكپىر-تۇكپىرىنەن «adventure tourism» سالاسىنىڭ ساراپشىلارى داۋىس بەرۋ ناتيجەسى بويىنشا قازاقستان «must visit» ەلدەردىڭ اراسىندا 5-ورىنعا جايعاستى. كەڭ دالا، بيىك تاۋلار مەن شولدەر ەلى دەپ تانىلعان قازاقستان - ورتالىق ازيانىڭ اسىل مارجانى» دەلىنگەن رەيتينگ سيپاتتاماسىندا. رەيتينگ اۆتورلارى قازاقستاندا تۋريزم سالاسىن دامىتۋدىڭ جاڭا دەڭگەيىنە جەتۋ ءۇشىن بەكپەكەرلەرگە قىزىقتى ءۇستىرت، بوزجىرا، التاي تاۋى ايماقتارىن دامىتۋدا قوسىمشا كۇش سالۋعا كەڭەس بەردى»، - دەپ حابارلايدى ۇلتتىق كومپانيا.
حابارلامادا ايتىلعانداي، بريتاندىق «Backpacker» قوعامى ءبىزدىڭ ەلدەن بولەك، ساياحاتتاۋعا وزبەكستان، بوسنيا مەن گەرتسەگوۆينا، رەسەي، ەفيوپيا جانە ازەربايجان ەلىن ۇسىنادى.
«رەيتينگىگە ىلىنگەن ەلدەردىڭ ءتىزىمى جۋىق ارادا جارىق كورىپ، وندا ۇزدىك تورتتىكە ەنگەن ەلدەر تۋرالى مالىمەتتى تولىق بىلۋگە مۇمكىندىك تۋماق. سوڭعى دەرەكتەرگە سايكەس، adventure tourism جاستار اراسىندا كەڭىنەن دامىپ، اسا تانىمالدىققا يە بولىپ كەلەدى. مۇنداي ساياحاتتاۋ الەم استانالارىن ارالاۋدى قول جەتىمدى ەتىپ، جيھانگەزدەرگە زەرتتەلمەگەن باعىتتاردى اشىپ، بىرەگەي تاجىريبە جيناقتاۋعا سەبەپ بولادى»، - دەلىنگەن اقپاراتتا.
ايتا كەتەيىك، اتالعان رەيتينگ 2010-جىلدان بەرى جۇرگىزىلىپ كەلەدى، ال ۇيىمداستىرۋشى قوعام وقيعالى- شىتىرمان تۋريزمدى دامىتۋعا جاعداي جاساۋ ماقساتىندا 2009-جىلى قۇرىلعان.
