توكيو-2020: جولدامالار سانى 35 كە جەتتى

ەڭ كوپ ليتسەنزيا بوكسشىلاردىڭ ەنشىسىندە. اتاپ ايتار بولساق، بۇگىن يوردانيانىڭ اممان قالاسىندا ءوتىپ جاتقان بوكستان وليمپياداعا ىرىكتەۋ تۋرنيرىندە ەرلەر قۇراماسى – 5، ايەلدەر بوكسىنان ەل قورجىنىنا 1، جالپى سانى 6 جولداما ءتۇستى.

ەكىنشى ورىنداردى ەركىن كۇرەس بالۋاندارى مەن ساداق اتۋشىلار ءوزارا ءبولىسىپ تۇر. اتالعان سپورت تۇرلەرىنەن ءتورت- تورتتەن بارلىعى 8 جولداما بار.

ءۇشىنشى ورىندا 3 جولداماعا يەلىك ەتكەن جەڭىل اتلەتتەر مەن تاسجولداعى ۆەلوسپورتتا سىنعا تۇسەتىن سپورتشىلار تۇر.

ال ءجۇزۋ سپورتىنان – 2، گرەك- ريم كۇرەسىنەن – 2، ايەلدەر كۇرەسىنەن 2 ليتسەنزيا بۇيىرعان بولسا، قازىرگى بەسسايىستان تاعى 2 جولدامامىز بار.

كەلەسى سپورت تۇرلەرىنەن ازىرگە وليمپياداعا ءبىر-بىردەن جولداما ەنشىلەدىك - اشىق سۋدا ءجۇزۋ، سينحروندى ءجۇزۋ، سپورتتىق قۇزعا ورمەلەۋ، سپورتتىق گيمناستيكا، ستەند اتۋ، نىسانا كوزدەۋ، كاراتە.

ايتا كەتەيىك، يوردانيانىڭ اممان قالاسىندا ءوتىپ جاتقان بوكستان وليمپياداعا ىرىكتەۋ ءتۋرنيرى ءالى اياقتالعان جوق. دەمەك، بوكسشىلارىمىز جولدامالار سانىن ءالى دە ارتتىرادى دەگەن ۇمىتتەمىز.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى