ۋنيۆەرسيادا-2019 : جازعى ۋنيۆەرسياداعا قازاقستاننان قانشا سپورتشى قاتىسادى؟

ق ر ۇلتتىق وليمپيادالىق كوميتەتىنەن ءمالىم ەتكەندەي، مۋلتيسپورتتىق دوداعا 170 ەلدىڭ وكىلدەرى قاتىسادى دەپ جوسپارلانعان. اتالعان دودادا ەل نامىسىن قازاقستاننىڭ 94 سپورتشىسى قورعاماق.

«ۋنيۆەرسيادا ويىندارىنا ۇلكەن قۇراممەن اتتانۋشىلار قاتارىندا سەمسەرلەسۋ سپورتىنىڭ وكىلدەرى بار. يتاليا تورىندە 18 نويانىمىز باق سىنايدى. سونداي-اق، جەڭىل اتلەتيكادان - 16، تاەكۆوندودان 15 سپورتشىعا سەنىم ارتامىز. ساداق اتۋدان-سەگىز، نىسانا كوزدەۋ جانە ستەند اتۋدان ون سپورتشى اتتانادى. سپورتتىق جانە كوركەم گيمناستيكاداعى وكىلدەرىمىزدىڭ سانى - التاۋ. سونىمەن بىرگە، ءتورت تەننيسشى، ون دزيۋدوشى جانە ءجۇزۋ سپورتىنان جەتى سپورتشى ۋنيۆەرسيادا جۇلدەسىنە تالاسادى»، - دەپ اتاپ كورسەتىلگەن حابارلامادا.

ەستەرىڭىزگە سالا كەتەيىك، وسىعان دەيىنگى، ياعني 2017-جىلى قىتايدىڭ تايبەي قالاسىندا وتكەن جازعى ۋنيۆەرسيادا ويىندارىندا قازاقستان قۇراماسى 16 مەدال جەڭىپ الدى. ونىڭ 3 ەۋى - التىن، 6  كۇمىس، 7   قولا مەدال.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى