ۇ ب ت-2019: تەست كەزىندە كىمگە جەڭىلدىك بەرىلەدى؟
مەكتەپ تۇلەكتەرى ءۇشىن سوڭعى قوڭىراۋ سوعىلدى. ەندى، اتتەستات الۋ ءۇشىن ەمتيحان تاپسىرۋ قاجەت. ال 20 -ماۋسىمدا ۇلتتىق ءبىرىڭعاي تەستىلەۋ باستالادى.
ۇپاي سانى قالاي ەسەپتەلەدى؟
بيىل تەست تاپسىرمالارى 30 پروتسەنتكە جاڭارتىلدى. تالاپكەر بۇرىنعىداي ءۇش نەگىزگى ءپان - قازاقستان تاريحى، ماتەماتيكا جانە وقۋ ساۋاتتىلىعىن تاپسىرادى. بۇدان بولەك، ەكى سالالىق ءپان بار. ونى تالاپكەر ءوزى تاڭدايدى.
بەس ءپان بويىنشا 120 تاپسىرما بار. الايدا 140 ۇپاي جيناۋعا بولادى. ويتكەنى كەيبىر تاپسىرمالاردا بىرنەشە دۇرىس جاۋاپ بولادى. ماسەلەن، ەكى سالالىق ءپاننىڭ 30 تاپسىرماسى بار. سونىڭ ىشىندە 20 تاپسىرمادا 1 عانا دۇرىس جاۋاپ بەرىلسە، 10 تاپسىرمادا بىرنەشە دۇرىس جاۋاپتى تابۋ قاجەت.
ۇلتتىق ءبىرىڭعاي تەستىلەۋدى تاپسىرۋعا 3 ساعات 50 مينۋت بەرىلەدى.
قانشا ۇپاي جيناۋ كەرەك؟
ۇلتتىق جوعارى وقۋ ورىندارىنا ءتۇسۋ ءۇشىن تەستىلەۋدەن، كەم دەگەندە، 65 بالل جيناۋ كەرەك. ال «پەداگوگيكالىق عىلىمدار»، «اۋىل شارۋاشىلىعى مەن بيورەسۋرستار» مەن «ۆەتەريناريا» بويىنشا ۇپايدىڭ سانى 60 تان كەم بولماۋى شارت.
باسقا جوعارى وقۋ ورىندارىنىڭ اقىلى بولىمىنە ءوتۋ ءۇشىن 50 ۇپاي جەتكىلىكتى. دەگەنمەن، مەديتسينا ماماندىقتارى بويىنشا 65 بالل جيناۋ قاجەت.
«التىن بەلگىنىڭ» ءبىر عانا ارتىقشىلىعى بار. ەگەر ەكى تالاپكەر تەست قورىتىندىسى بويىنشا بىردەي ۇپاي جيناسا، وندا مەملەكەتتىك گرانت «التىن بەلگى» يەگەرىنە بەرىلەدى.
تەست تاپسىرۋدان كىم بوساتىلادى؟
بىلتىردان بەرى ۇلتتىق ءبىرىڭعاي تەستىلەۋدى اعىلشىن تىلىندە تاپسىرۋعا مۇمكىندىك بار. الايدا قازاقستان تاريحى تەك قازاق جانە ورىس تىلىندە عانا تاپسىرىلادى.
تالاپكەردىڭ اعىلشىن ءتىلىن مەڭگەرگەنى تۋرالى حالىقارالىق كۋالىگى بولسا، «اعىلشىن ءتىلى» ءپانى بويىنشا تەست تاپسىرۋدان بوساتىلادى.
بيىلعى جىلدىڭ تاعى ءبىر جاڭالىعى
بۇعان دەيىن جوعارى وقۋ ورىندارى ماماندىقتاردىڭ ناقتى ءتىزىمى بويىنشا جۇمىس ىستەگەن. بيىلدان باستاپ ونىڭ ورنىنا ءبىلىم بەرۋ باعىتتارىنىڭ كلاسسيفيكاتورى ەنگىزىلدى. ج و و- لار سول باعىتتارعا قاراي وقىتۋ باعدارلامالارىن دايارلاپ وتىرادى. گرانتتار دا ناقتى ماماندىقتارعا ەمەس، ءبىلىم بەرۋ باعدارلاماسىنا بولىنەدى.
ماسەلەن، «ماتەماتيكا مۇعالىمدەرىن دايارلاۋ» توبىنا «ماتەماتيكا»، «ماتەماتيكا- فيزيكا»، «ماتەماتيكا- ينفورماتيكا» ماماندىقتارى كىرەدى. سول سياقتى «اقپاراتتىق تەحنولوگيالار» توبىندا «ينفورماتيكا» مەن «اقپاراتتىق تەحنولوگيالار» ماماندىقتارى بار.
ءبىر توپقا مىڭ گرانت ءبولىندى دەيىك، كونكۋرس ءدال وسى توپتى تاڭداعان بارلىق تالاپكەرلەر اراسىندا وتكىزىلەدى. ال گرانتتى ۇتىپ العاننان كەيىن تالاپكەر ۋنيۆەرسيتەتكە قابىلدانادى دا، ءبىلىم باعدارلاماسىنىڭ ناقتى ماماندىعىن تاڭدايدى.
ماماندىقتى قالاي تاڭداۋ كەرەك؟
ۇلتتىق ءبىرىڭعاي تەستىلەۋدەن وتكەن بارلىق تالاپكەرلەرگە كۋالىكپەن بىرگە اقپاراتتىق پاراقشالار بەرىلەدى. وندا بىرنەشە پايدالى مالىمەت بولادى. ولار:
ءبىلىم بەرۋ باعدارلامالارىنىڭ ءتىزىمى؛
بيىل بولىنگەن گرانتتاردىڭ سانى؛
بۇعان دەيىنگى كونكۋرستاردىڭ ناتيجەلەرى؛
گرانتقا ءوتۋدىڭ ورتاشا ۇپاي سانى؛
اتالعان مالىمەتتەردىڭ كومەگىمەن گرانتقا ءتۇسۋ مۇمكىندىگىن ساراپتاپ، ناقتى ماماندىقتى تاڭداۋعا بولادى.
ءتورت رەت تەست تاپسىرۋعا بولادى
بيىلدان باستاپ مەكتەپ تۇلەكتەرى ۇلتتىق ءبىرىڭعاي تەستىلەۋدى ءتورت رەت تاپسىرا الادى. بۇعان دەيىن تەستىلەۋ قاڭتار، ماۋسىم جانە تامىز ايىندا بولاتىن. وعان تاعى ءبىر كەزەڭ قوسىلدى.
15-20 -قاڭتار ارالىعىندا (اقىلى)، وتىنىشتەر 1-15 -جەلتوقساندا قابىلدانادى؛
24-29 -ناۋرىز ارالىعىندا (اقىلى)، وتىنىشتەر 1-15 -اقپان كۇندەرى تاپسىرىلادى؛
20 -ماۋسىم مەن 5 -شىلدە ارالىعىندا (تەگىن)، ءوتىنىشتى 10 -ناۋرىز-10 -مامىر كەزىندە بەرۋ كەرەك؛
17-20 -تامىز ارالىعىندا (اقىلى)، وتىنىشتەردى 25 -شىلدەدەن 3 -تامىزعا دەيىن تاپسىرۋ قاجەت؛
اقىلى تەست باعاسى - 2242 تەڭگە. ونىڭ ناتيجەسى بويىنشا تەك اقىلى بولىمگە عانا ءتۇسۋ مۇمكىندىگى قاراستىرىلعان. ال مەملەكەتتىك گرانتتى الۋ ءۇشىن جازدا وتەتىن تەگىن ۇ ب ت- عا قاتىسۋ قاجەت.
ۇپاي «ۇتۋدىڭ» جولدارى
قازىرگى ەرەجەگە سايكەس، تەست وتكەن كۇنى ۇ ب ت- نىڭ ناتيجەسى اقپاراتتىق ستەندكە ىلىنەدى. سونداي- اق، مەملەكەتتىك كوميسسيا ونى www.testcenter.kz سايتىندا جاريالايدى.
تالاپكەر تەست ناتيجەسىمەن كەلىسپەسە، تاپسىرما سۇراقتارىنا قاناعاتتانباسا، اپپەلياتسيالىق شاعىم تۇسىرەدى. ارىز- شاعىمدى بىردەن سول كۇنى، بولماسا، كەلەسى كۇنى ساعات 13:00-گە دەيىن تاپسىرۋ قاجەت. كوميسسيا ونى ءبىر كۇن قارايدى. اپپەلياتسيالىق شاعىمنىڭ ارقاسىندا ءبىر- ەكى ۇپايدى «ۇتىپ العان» تالاپكەرلەر دە بولادى.
قاجەتتى ۇپاي بولماسا، نە ىستەۋ كەرەك؟
تالاپكەر شەكتى ۇپايدىڭ سانىن جيناي الماسا، جوعارى وقۋ ورنىنا شارتتى تۇردە تۇسە الادى. وندايدا تەك اقىلى بولىمدە عانا وقۋعا مۇمكىندىك بار. الايدا ءبىر سەمەستردەن كەيىن، ياعني، قاڭتار ايىندا ۇلتتىق ءبىرىڭعاي تەستىلەۋدى قايتا تاپسىرۋى قاجەت.
قىسقى تەستتەن وتكەن ستۋدەنت وقۋدى جالعاستىرا بەرەدى. ال تەستتەن وتە الماعاندارعا ۋنيۆەرسيتەتپەن قوشتاسۋعا تۋرا كەلەدى. جازدا ۇلتتىق ءبىرىڭعاي تەستىلەۋدى تاعى تاپسىرىپ كورۋگە بولادى.
