ءبىلىم گرانتى 2019-جىلى قالاي تاعايىندالادى؟
سونىمەن قاتار، مامانداردى دايارلاۋ باعىتتارىنىڭ جاڭا كلاسسيفيكاتورى ەنگىزىلىپ وتىر، دەپ حابارلايدى قازاقپارات.
ءبىلىم جانە عىلىم مينيسترلىگىنىڭ مالىمەتىنشە، بۇگىنگى كۇنگە دەيىن ەلىمىزدىڭ جوعارى وقۋ ورىندارىندا ماماندىقتار ءتىزىمى ناقتى كورسەتىلگەن كلاسسيفيكاتور پايدالانىلدى. 2019-جىلدان باستاپ جاڭا كلاسسيفيكاتور ەنگىزىلەدى. وندا ماماندىقتاردىڭ ناقتى ءتىزىمى ەمەس، مامانداردى دايارلاۋ باعىتى كورسەتىلەتىن بولادى. سايكەسىنشە، ەلىمىزدىڭ جوعارى وقۋ ورىندارى دەربەس ءبىلىم باعدارلامالارىن جاساپ الادى.
«وسىعان وراي، مەملەكەتتىك ءبىلىم گرانتتارى ءبىلىم باعدارلامالارىنىڭ توپتارى بويىنشا تاعايىندالادى. ماسەلەن، «ماتەماتيكا ءپانى مۇعالىمدەرىن دايارلاۋ» توبىنا «ماتەماتيكا»، قوسارلانعان «ماتەماتيكا-فيزيكا»، «ماتەماتيكا-ينفورماتيكا» ماماندىقتارى كىرەدى. ال، «اقپاراتتىق تەحنولوگيالار» توبىنا - «ينفورماتيكا»، «اقپاراتتىق جۇيەلەر» جانە تاعى باسقالارى ەنەدى. ياعني، ءبىلىم گرانتتارىنىڭ تاعايىندالۋى بۇرىنعىداي ماماندىق بويىنشا ەمەس، ءبىلىم باعدارلامالارىنىڭ توپتارى بويىنشا جۇزەگە اسىرىلماق. گرانت ۇتىپ العان سوڭ تالاپكەر ج و و- عا تاڭداعان ءبىلىم باعدارلاماسى بويىنشا تىركەلىپ، ج و و- عا قۇجاتتارىن تاپسىرۋ كەزىندە ءوزى تاڭداعان ماماندىق بويىنشا ءبىلىم الادى»، - دەلىنگەن ۆەدومستۆو حابارلاماسىندا.
بەلگىلى بولعانداي، 2019-جىلى ۇبت فورماتى ەش وزگەرىسسىز قالادى. وقۋعا ءتۇسۋشى ءداستۇرلى تۇردە 3 مىندەتتى ءپان (قازاقستان تاريحى، ماتەماتيكالىق ساۋاتتىلىق، وقۋ ساۋاتتىلىعى) جانە 2 بەيىندىك ءپان بويىنشا تەستىلەۋدەن وتەدى.
«ءبىراق، بيىلدان باستاپ ۇ ب ت جىلىنا 4 رەت - قاڭتار، ناۋرىز، ماۋسىم، تامىز ايلارىندا وتكىزىلمەك. قاڭتار، ناۋرىز، تامىزدا وتەتىن تەستىلەۋدى تاپسىرۋ ارقىلى تالاپكەر ج و و- نىڭ تەك اقىلى بولىمىنە تۇسۋگە مۇمكىندىك الادى. ال، مەملەكەتتىك ءبىلىم گرانت كونكۋرسىنا قاتىسۋ ءۇشىن مىندەتتى تۇردە ماۋسىم ايىندا وتەتىن ۇلتتىق ءبىرىڭعاي تەستىلەۋگە قاتىسۋى ءتيىس. ج و و- نىڭ اقىلى بولىمىنە وقۋعا ءتۇسۋ ءۇشىن تالاپكەرگە جىلىنا 4 رەت وتكىزىلەتىن ۇ ب ت- نىڭ كەز كەلگەنىنە قاتىسىپ، شەكتى بال جيناۋ جەتكىلىكتى»، - دەپ ءمالىم ەتتى مينيسترلىكتەن.
قاڭتار، ناۋرىز ايلارىندا وتەتىن تەستىلەۋدى تالاپكەر ۇ ب ت وتكىزىلەتىن وزىنە ىڭعايلى كەز كەلگەن پۋنكتىدە تاپسىرا الادى. تەك تەستىلەۋگە قاتىسۋ ءۇشىن ۇ ب ت وتكىزۋ پۋنكتىنە كورسەتىلگەن مەرزىمدە ءوتىنىش بەرۋ قاجەت.
