بوكستان 2019-جىلعى الەم بىرىنشىلىگى قايدا وتەتىنى بەلگىلى بولدى

دۇيسەنبى كۇنى ماسكەۋ قالاسىندا AIBA اتقارۋشى كوميتەتىنىڭ كەزەكتى وتىرىسى ءوتتى. وندا 2019-جىلى بوكستان ەرلەر اراسىنداعى الەم چەمپيوناتى رەسەيدىڭ سوچي قالاسىندا وتەتىن بولىپ بەكىتىلدى. دودا «ايسبەرگ» سپورت كەشەنىندە وتەدى.

بۇل تۋرالى tass.ru اگەنتتىگى جازدى.

ءتۋرنيردى وتكىزۋگە تۇركيا، ۋكراينا، تايلاند جانە ءۇندىستان ەلدەرى ۇمىتكەر بولعان. وتىرىستا ا ي ب ا پرەزيدەنتى چينگ-كۋو ۆۋ: «2019-جىلى رەسەيدە وتەتىن بوكستان الەم چەمپيوناتى جوعارى دەڭگەيدە وتەدى دەگەن سەنىمدەمىن. رەسەي بوكس فەدەراتسياسىنىڭ باسشىلىعى دودانى ۇيىمداستىرۋعا بار كۇش-جىگەرىن سالادى. الەم بىرىنشىلىگىن جوعارى دەڭگەيدە وتكىزەتىنىنە كۇمانىم جوق»، - دەپ اتاپ ءوتتى.

ەسكە سالا كەتەيىك، رەسەي ەرلەر اراسىنداعى الەم چەمپيوناتىن سوڭعى رەت 1989 (ك س ر و كەزىندە) قابىلداعان بولاتىن.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى