ۇ ب ت- 2019: تالاپكەرلەردەن 90 مىڭ ۇيالى تەلەفون تاركىلەندى
«ۇلتتىق ءبىرىڭعاي تەستىلەۋ بارىسىندا 90375 ۇيالى تەلەفون، 28344 كالكۋلياتور جانە 1867 شپارگالكا تاركىلەندى»، - دەپ جازدى ۇلتتىق ءبىرىڭعاي تەستىلەۋ ورتالىعى ديرەكتورىنىڭ مىندەتىن اتقارۋشى ديدار سماعۇلوۆ ءوزىنىڭ Facebook پاراقشاسىندا.
سونداي-اق، ورتالىق باسشىسى اتا-انالاردى بالالاردى ادالدىققا تاربيەلەۋگە شاقىردى.
«قۇرمەتتى اتا-انالار، بالالاردى ۇ ب ت جۇيەسىن الداۋعا ەمەس، ادال باسەكە جانە ناعىز بىلىممەن جارىسۋعا تاربيەلەيىك»، - دەدى ول.
ەسكە سالا كەتسەك، ءبىلىم جانە عىلىم ءمينيسترى اسحات ايماعانبەتوۆ ۇلتتىق تەستىلەۋدە ۇيالى تەلەفونمەن ۇستالعان تۇلەكتەرگە شارا قولدانىلاتىنىن ايتىپ وتكەن بولاتىن.
«ۇلتتىق ءبىرىڭعاي تەست تاپسىرۋدىڭ ءوز ەرەجەسى بار. سول ەرەجەگە سايكەس كوميسسيالارىمىز جۇمىس ىستەيتىن بولادى. ارينە، كەلەڭسىز جاعدايلاردى بولدىرماي، ولاردىڭ الدىن الۋىمىز كەرەك. ماسەلەن، تەلەفون، باسقا نارسەلەر الىپ كىرسە، وندا وعان تىيىم سالىپ، توقتاتۋىمىز كەرەك. ءبىراق، بۇل پسيحولوگيالىق احۋالدى وزگەرتپەۋى ءتيىس. سونداي تاپسىرما بەرىپ وتىرمىز»، - دەدى مينيستر.
ايتا كەتسەك، بيىل ۇ ب ت-عا قاتىسۋعا 117242 تالاپكەر ءوتىنىش ءبىلدىردى. ونىڭ ىشىندە وسى جىلى مەكتەپ بىتىرۋشىلەر سانى 96380 ادامدى (وتكەن جىلعى مەكتەپ بىتىرۋشىلەر سانى - 20862) قۇرادى.
