سايلاۋ-2019: «امانات» ازاماتتىق پلاتفورماسى 18 زاڭبۇزۋشىلىق بويىنشا اكت تولتىرعان

پلاتفورما جەتەكشىسى مۇرات ابەنوۆتىڭ ايتۋىنشا، توپ اتىنان 11045 بايقاۋشى سايلاۋ ۋچاسكەلەرىندە 1,5-اي بويى جۇمىس جۇرگىزگەن.

«تالاي سايلاۋدى كورىپ كەلەمىز. بيىلعىسى ەرەكشە بولدى. ازاماتتاردىڭ ساياساتقا قىزىعۋشىلىعى ارتقانىن بايقادىق. سىن كوزبەن قارايتىن ادامداردى كوپ كەزدەستىردىك. نەگىزى ءبىز زاڭبۇزۋشىلىقتاردى كوزگە شۇقىپ كورسەتۋدەن بۇرىن، ونىڭ سەبەپتەرىن انىقتاپ، الداعى ۋاقىتتا بولدىرماۋدىڭ جولىن قاراستىردىق. كەمشىلىكتەر مەن زاڭبۇزۋشىلىقتار بولدى. ءالى دە جيناقتاپ، توپتاستىرىپ جاتىرمىز. 18 كۇردەلى زاڭبۇزۋشىلىق انىقتادىق. بيۋلەتەندەردى توپتاعان 8 وقيعا تىركەلدى. سونداي- اق، 165 اۋىزشا ەسكەرتۋ جاسالىپ، سول ساتتە جويىلدى»، - دەيدى مۇرات ابەنوۆ.

ازاماتتىق پلاتفورما مۇشەسى شىڭعىس لەپسىبايەۆ بيۋلەتەندەردى توپتاپ تاستاۋ دەرەكتەرى شىعىس قازاقستان، ماڭعىستاۋ، قىزىلوردا وبلىستارى مەن الماتى، نۇر- سۇلتان، شىمكەنت قالالارىندا ورىن العانىن ايتادى. پلاتفورمانىڭ تاعى ءبىر مۇشەسى اكىم تۇرسىن اتالمىش زاڭبۇزۋشىلىقتار دەر كەزىندە انىقتالىپ، جولى كەسىلگەنىن ايتادى.

«ءبىز انىقتاعان دەرەكتەردىڭ بارلىعىندا بيۋلەتەندەردىڭ توپتاپ تاستالۋىنا جول بەرىلگەن جوق. ول وقيعالار بويىنشا دا اكت تولتىرىلىپ، قۇزىرلى ورگاندارعا بەرىلدى. ەگەر زاڭسىزدىقتار دالەلدەنسە، جاۋاپتى ادامدار زاڭ الدىندا جاۋاپ بەرەدى»، - دەيدى اكىم تۇرسىن.

ازاماتتىق پلاتفورما وكىلدەرى بۇل مالىمەتتەردىڭ بارلىعى ارالىق قورىتىندى ەكەنىن اتادى. جالپى سايلاۋ كۇنىندەگى جۇمىستاردىڭ تولىق قورىتىندىسى ەرتەڭ جاريالانباق.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى