تۇركيانىڭ قازاقستانعا سالعان ينۆەستيتسياسى 2019-جىلمەن سالىستىرعاندا 1,3 پايىزعا ارتقان
بۇل ۇردىسكە قاراماستان وتكەن جىلى تۇركيانىڭ قازاقستانداعى ينۆەستيتسيالار كولەمى 2019-جىلمەن سالىستىرعاندا 1,3 پايىز ارتىپ، 362,4 ميلليون ا ق ش دوللارىن قۇرادى، دەپ حابارلايدى قازاقپارات ق ر سىرتقى ىستەر مينيسترلىگىنىڭ رەسمي سايىنا سىلتەمە جاساپ.
اتالعان ينۆەستيتسيالار كولەمىنىڭ قازاقستاننىڭ تاۋەلسىزدىك جىلدارىندا تۇركيادان جىلدىق ەسەپتە تارتىلعان ەڭ ۇلكەن تاريحي رەكوردتىق كولەم بولعاندىعى ەرەكشە قۋانتادى.
بۇنىڭ الدىندا ەڭ كوپ ينۆەستيتسيا تۇركيادان 2007-جىلى 347,6 ميلليون دوللار كولەمىندە جانە 2019 -جىلى 357,8 ميلليون دوللار كولەمىندە تارتىلعان بولاتىن.
قازاقستاننىڭ تۇركياداعى ەلشىسى ابزال ساپاربەك ۇلى: «كوروناۆيرۋس پاندەمياسىنا قاراماستان، 2020-جىلى تۇركيالىق كومپانيالارمەن ءتۇرلى فورماتتاردا 400 دەن استام كەلىسسوز وتكىزىپ، 30 الەۋەتتى ينۆەستوردىڭ قازاقستانعا ساپارىن ۇيىمداستىردىق. 2020-جىلدىڭ قورىتىندىسى بويىنشا باۋىرلاس تۇركيالىق كومپانيالاردىڭ ينۆەستيتسيالارىمەن تۇركىستان، سولتۇستىك قازاقستان، جامبىل، پاۆلودار، قوستاناي وبلىستارى مەن نۇر-سۇلتان، الماتى جانە شىمكەنت قالالارىندا جالپى قۇنى 190 ميلليون دوللار شاماسىندا جاڭا 8 جوبا ىسكە قوسىلدى.
جوبالار قاتارىنا تۇركىستان حالىقارالىق اۋەجايىنىڭ قۇرىلىسى، دىمقىل مايلىقتار، قاپتالعان فانەرا، ۇن وندىرىستەرىمەن بىرگە مەديتسينالىق دياگنوستيكالىق ورتالىقتاردىڭ جانە كوپ دەڭگەيلى پاركينگتىڭ اشىلۋ باستامالارى كىرەدى» دەپ مالىمدەدى.
سىرتقى ىستەر ءمينيسترىنىڭ ورىنباسارى الماس ايداروۆتىڭ ايتۋىنشا: «تۇركيا باۋىرلاس مەملەكەت رەتىندە قازىرگى تاڭدا قازاقستانداعى ەڭ بەلسەندى شەتەلدىك ينۆەستور قاتارىنا كىرەدى. وسى جىلدىڭ سوڭىنا دەيىن تۇركيالىق ينۆەستورلاردىڭ قاتىسۋىمەن گازەلەكتر پليتالارى، كونديتەرلىك ونىمدەر، جايالىقتار، مينەرالدى سۋلار مەن سۋسىندار، FFP2-3 يندۋستريالدى جانە مەديتسينالىق رەسپيراتورلار، تىركەمەلەر، تىڭايتقىشتار مەن تومەن ۆولتتى كابەلدەردىڭ ءوندىرىسى جانە قازاندىق جىلۋ كوزى مەن توموتەراپيا ورتالىعىنىڭ قۇرىلىستارىن قامتيتىن 10 جاڭا جوبانى ىسكە قوسۋدى جوسپارلاۋدامىز».
جالپى 2023-جىلعا دەيىن قازاقستانداعى تۇركيالىق ينۆەستيتسيالىق جوبالاردىڭ سانىن 2016-جىلمەن سالىستىرعاندا كەمىندە ەكى ەسە ارتتىرۋ جوسپارلانعان.
سونىمەن قاتار، تۇركيا ساۋدا مينيسترلىگىنىڭ «تۇركيانىڭ شەت ەلدەردەگى ينۆەستيتسيالارى تۋرالى ەسەبىنە» سايكەس سوڭعى ءتورت جىلدىڭ ىشىندە قازاقستاننىڭ پوزيتسياسى تۇركيالىق كومپانيالارعا ينۆەستيتسيا ءۇشىن ەڭ تارتىمدى ەلدەردىڭ اراسىندا 14 ورىنعا جاقسارعان.
بۇگىندە وڭدەۋ ونەركاسىبى مەن مەملەكەتتىك- جەكەمەنشىك سەرىكتەستىگى مەحانيزمى شەڭبەرىندە قازاقستانعا ينۆەستيتسيا سالعان جاھاندىق تۇركيالىق حولدينگتەر اراسىندا «Yildiz Holding» ، «Yildirim Holding»، «YDA Holding»، «Abdi Ibrahim»، «Aselsan»، «Anadolu Endustri Holding» ، «Borusan Holding»، «TAV Havalimanlari Holding»، «Ulkar Holding» جانە تاعى باسقالارى بار.
تۇركيالىق ينۆەستيتسيالاردىڭ ارتۋىنا ەكى ەلدىڭ ءوزارا جوعارى دەڭگەيدەگى ساپارلارى ۇلكەن سەرپىن بەرۋدە.
اتاپ ايتقاندا، قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ انكاراعا 2018-جىلعى، پرەمەر-مينيستر اسقار ماميننىڭ 2019-جىلعى جانە پرەمەر-ءمينيستردىڭ ورىنباسارى مۇحتار تىلەۋبەردىنىڭ 2021-جىلعى تۇركياعا ساپارلارى بارىسىندا ايتارلىقتاي ماڭىزدى ۋاعدالاستىقتارعا قول جەتكىزىلگەن بولاتىن.
