قازاقستاندا 2018-جىلى قانداي اتىشۋلى سوت ىستەرىمەن ەستە قالدى؟

وسى جىلدىڭ ناۋرىز ايىندا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ سوتتالدى. ول ءبىر ميلليارد تەڭگەنى جىمقىرعانى ءۇشىن ايىپتالعان بولاتىن. ەكس-ءمينيستردىڭ بار مۇلىگى تاركىلەنىپ، 10 جىلعا باس بوستاندىعىنان ايىرىلدى. سوت ۇكىمى شىعارىلعاننان كەيىن بەرگەن اپەللياتسيالىق ءوتىنىمىن سوت قايتارىپ تاستادى.

بيشىمبايەۆ تۇركىستان وبلىسىنداعى لەنگەر قالاسىنداعى ماكسيمالدى قاۋىپسىزدىك مەكەمەسىندە جازاسىن وتەۋدە.

پروكۋرور قۋاندىق بيشەمبايەۆتى 12 جىلعا باس بوستاندىعىنان ايىرۋدى تالاپ ەتكەن. ەكس-ءمينيستردىڭ تاركىلەنگەن كوتتەدجى اۋىلدىڭ مادەنيەت ۇيىنە اينالدى.

وسى ىستەن كەيىن بىرنەشە كۇن وتكەن سوڭ كاسىپكەر مۇراتحان توقماديگە دە ۇكىم شىعارىلدى. ول ماكسيمالدى قاۋىپسىزدىك مەكەمەسىندە 10,5 جىل جازاسىن وتەيدى. توقماديگە بانكير ەرلان تاتىشەۆتى ءولتىردى دەگەن ايىپ تاعىلدى. ول بۇل قىلمىسقا ءابليازوۆتىڭ تاپسىرىسى بويىنشا بارعانى ايتىلدى. قارجىلاي سىياقى رەتىندە ول ءتورت ميلليون ا ق ش دوللارىن العان.

سەگىزىنشى ناۋرىز كۇنى تۇتقىندالعان كاسىپكەر قاشىپ كەتۋگە تىرىستى. الايدا قۇرىقتالىپ، وبلىستىق تەرگەۋ يزولياتورىنا جەتكىزىلگەن.

وسى جىلدىڭ شىلدە ايىندا «ءالبي ءىسى» بويىنشا سوتتالعان قايرات جاماليەۆ بوستاندىققا شىقتى. استانالىق كاسىپكەر ءالىبي جۇماعۇلوۆتى سوققىعا جىققانى ءۇشىن ايىپتالعان بولاتىن. جاماليەۆ 13 جىلعا باس بوستاندىعىنان ايىرىلعان ەدى، ءبىراق 2017-جىلى سوت شەشىمى التى جىلعا قىسقارتىلىپ، قونىس كولونياسىنا اۋىستىرىلدى.

بيىل جاماليەۆ وتەلمەگەن مەرزىمدى ايىپپۇلعا الماستىرىپ، بوستاندىققا شىقتى. الايدا قاراشا ايىندا ول تاعى ءبىر قىلمىستىق ىسكە قاتىسى بار دەگەن كۇدىككە ءىلىندى. كاسىپكەر ارىزدانۋشىمەن بەيبىت كەلىسىمگە كەلە الدى.

2018-جىلى «چۋكوتكا» بارىندا بولعان توبەلەسكە قاتىسقان الەكساندر كۋزنەتسوۆ بوستاندىققا شىقتى. توبەلەس كەزىندە سىرىم مۇراتقاليەۆ دەگەن جىگىت قازا بولعان.

كۋزنەتسوۆتى قونىس كولونياسىندا 1,5 جىلعا باس بوستاندىعىنان ايىرۋ ۇكىمى شىعارىلعان بولاتىن. الايدا اپەللياتسيالىق سوت جىگىتتى سەگىز جىلعا باس بوستاندىعىنان ايىردى.

كۋزنەتسوۆ تا جاماليەۆ سياقتى وتەلمەگەن مەرزىمدى ايىپپۇلمەن الماستىرۋعا ءوتىنىش جازىپ، ءىستى ۇتىپ الدى. ونى تامىز ايىندا بوستاندىققا شىعاردى، ءبىراق ءبىراز ۋاقىتتان كەيىن جابىرلەنۋشى تاراپ ءوتىنىشى بويىنشا ءىس قايتادان سوتقا قايتارىلدى.

كۋزنەتسوۆتى كولونياعا رەسمي تۇردە «قايتاردى»، سەبەبى ەر ادام ەلدەن قاشىپ كەتكەن.

بيىل قازان ايىندا سىرتتاي حراپۋنوۆتار وتباسى سوتتالدى. اۋلەتتىڭ وتاعاسى 17 جىلعا باس بوستاندىعىنان ايىرىلسا. جۇبايى 14 جىلعا، ال ءۇشىنشى ايىپتالۋشى ايار ءىلياسوۆ بەس جىلعا سوتتالدى.

ءبىراق ولار «جازالارىن» جەنيەۆادا وتەۋدە. وندا ولار بەيقام ءومىر ءسۇرىپ ءجۇر.

حراپۋنوۆتار وتباسىنا قوماقتى بيۋجەت قارجىسىن جىمقىرۋ، مەملەكەتتىك جانە كوممۋنالدى مۇلىكتى يەمدەنۋ، پارا الۋ جانە قىلمىستىق تابىستى زاڭداستىرۋ سىندى ايىپتار تاعىلدى.

جىل سوڭىندا ەكس-بانكير مۇحتار ءابليازوۆ تا سوتتالدى. وعان سەرىكتەسى ەرجان تاتىشەۆتى تاپسىرىسپەن ءولتىرتتى دەگەن ايىپ تاعىلدى. سوت سۋدياسى قاشىپ كەتكەن بانكيردى ءومىر بويىنا باس بوستاندىعىنان ايىرىپ، قاتاڭ رەجيمدەگى تۇزەتۋ مەكەمەسىندە جازاسىن وتەۋگە كەستى.

سوت ۇكىمى بويىنشا ءابليازوۆقا بانك سالاسىندا ءۇش جىل بويى ىستەۋگە تىيىم سالىنادى. ايتا كەتەتىن جايت، ءابليازوۆ سوتقا كەلگەن جوق، قازىر ول شەتەلدە بوي تاسالاپ ءجۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى