قازاقستاندا «ەۆروۆيدەنيە-2018» بالالار ءان بايقاۋىنا ىرىكتەۋ باستالدى

رەسپۋبليكالىق تۇردە جۇزەگە اسىرىلاتىن ىرىكتەۋگە 9-14 جاس ارالىعىنداعى بالالار قاتىسا الادى جانە ءوتىنىش تومەندەگىدەي جۇزەگە اسىرىلادى:

- ونلاين ساۋالناما تولتىرۋ ؛

- ورىنداۋىنداعى ءانى مەن جەكە سۋرەتىن جۇكتەۋ؛

- تۋۋ تۋرالى كۋالىگىنىڭ سكانەر نۇسقاسىن جۇكتەۋ؛

- اتا-اناسىنىڭ (اسىراپ الۋشىسىنىڭ) رۇقساتى؛

- ءاننىڭ اۆتورلىعى تۋرالى ءوتىنىش.

سونىمەن قاتار ىرىكتەۋگە قۇرامى 6 ادامنان اسپايتىن ۇجىممەن قاتىسۋعا دا بولادى جانە بارلىق قاتىسۋشىلارعا قويىلاتىن تالاپ بىردەي.

7- قىركۇيەك كۇنى رەسپۋبليكالىق ىرىكتەۋدىڭ العاشقى ناتيجەسى شىعىپ، فينالعا قاتىسۋشىلار انىقتالادى. 23- قىركۇيەك كۇنى فيناليستەر «حابار» ارناسىنىڭ تىكەلەي ەفيرىندە گالا-كونسەرت قويادى. گالا-كونسەرتتە تەلەكورەرمەندەردىڭ داۋىس بەرۋى ارقىلى جەڭىمپاز انىقتالادى. انىقتالعان جەڭىمپاز 25- قاراشادا مينسكىدە وتەتىن «ەۆروۆيدەنيە- 2018» بالالار ءان بايقاۋىنا قازاقستاننىڭ اتىنان جولداما الادى.

ايتا كەتەيىك، قازاقستان اتالعان بايقاۋعا العاش قاتىسقالى وتىر جانە بيىل قاتىسۋشىلار سانى جىلداعىدان كوبەيىپ، 19 مەملەكەت نيەت بىلدىرۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى