اتتەستاتسيا-2018: مۇعالىمدەردىڭ بۇرىنعى ۇستەمەاقىلارى ساقتالا ما

 ق ر ءبىلىم جانە عىلىم ۆيتسە- ءمينيسترى اسحات ايماعامبەتوۆتىڭ ايتۋىنشا، وسى ۋاقىتقا دەيىن ءۇش كاتەگوريا بويىنشا تولەنگەن ۇستەمەاقىلاردىڭ بارلىعى ساقتالادى.

«بۇعان دەيىن جوعارى، ءبىرىنشى جانە ەكىنشى كاتەگوريالار بولدى. اتتەستاتسيانىڭ جاڭا جۇيەسىنە سايكەس، اتالعان كاتەگوريالار بويىنشا قازىرگى بارلىق ۇستەمەاقىلار ساقتالادى. سونىڭ ۇستىنە قوسىمشا ۇستەماقى الامىن دەسە، جاڭا جۇيە بويىنشا ۇلتتىق بىلىكتىلىك تەستىن تاپسىرادى. ودان كەيىن ەكىنشى كەزەڭ بار. ونى دا ويداعىداي تاپسىرسا، بىلىكتىلىك دەڭگەيىنە قاراي 30-50 پروتسەنتكە دەيىن ۇستەمەاقى الۋعا بولادى»، - دەدى ا. ايماعامبەتوۆ قازاقپارات تىلشىسىنە بەرگەن سۇحباتىندا.

ۆيتسە- ءمينيستردىڭ سوزىنە قاراعاندا، جاقىن ارادا اتتەستاتسيانىڭ جاڭا ەرەجەسى بەكىتىلەدى. سونىڭ نەگىزىندە مۇعالىمدەردىڭ بىلىكتىلىگى تەكسەرىلەتىن بولادى.

ايتا كەتەيىك، ۇكىمەتتىڭ بۇگىنگى وتىرىسىندا ق ر ءبىلىم جانە عىلىم ءمينيسترى ەرلان ساعاديەۆ قىركۇيەكتە مۇعالىمدەردىڭ اتتەستاتسيادان وتەتىنىن مالىمدەدى. ونىڭ ايتۋىنشا، بۇگىندە رەسپۋبليكا بويىنشا 285 مىڭنان استام مۇعالىم جۇمىس ىستەيدى. ولاردىڭ تەڭ جارتىسى - جوعارى جانە ءبىرىنشى ساناتتاعى مۇعالىمدەر.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى