پاراليمپيادا-2018: قازاقستاندىق الەكساندر گەرليتس «قولاعا» ءبىر قادام جەتپەي قالدى
الەكساندر گەرليتسكە قولا مەدالگە 43 سەكۋند جەتپەي قالدى. سوعان قاراماستان، قازاقستاندىق شاڭعىشى قازاقستان شاڭعى جارىسىنىڭ تاريحىنداعى ەرلەر-پاراليمپياداشىلار اراسىندا ۇزدىك اتاندى.
«بۇگىن قازاقستاندىق پاراليمپياداشىلار ءۇشىن ماڭىزدى كۇن. 1994-جىلدان بەرى شاڭعى جارىسىنان جانە بياتلوننان قازاقستان قۇراماسىنىڭ قورجىنىندا ءبىر دە ءبىر مەدال مەن جوعارى ناتيجە بولماعان. اراعا 24 جىل سالىپ، ءبىزدىڭ سپورتشىلار جوعارى ناتيجەگە قول جەتكىزدى: ءبىزدىڭ الەكساندر گەرليتستى نورۆەگيالىق سپورتشى نەبارى 40 سەكۋندقا باسىپ وزدى»، - دەپ پىكىر ءبىلدىردى ق ر ۇلتتىق پاراليمپيادا كوميتەتىنىڭ باسپا ءسوز حاتشىسى گۇلنار دجەيلان.
ايتا كەتەيىك، قازاقستاندىق پاراليمپياداشىلار ءۇشىن سىياقى مولشەرى تەك مەدالعا قاراستىرىلماعان. سولتۇستىك قازاقستاندىق الەكساندر گەرليتس 4- ورىن ءۇشىن 30 مىڭ ا ق ش دوللارعا، ونىڭ جاتتىقتىرۋشىسى ۆاسيلي كولوميەتس دە 30000 دوللارعا يە بولادى.
