موبيلدىك بايلانىس تاريفتەرى 2018-جىلى قانداي بولماق؟
سمارتفونداردىڭ كەڭىنەن تارالۋى ينتەرنەتكە دەگەن سۇرانىستىڭ ارتۋىنا اكەلدى.
سوڭعى مالىمەتتەرگە قاراعاندا، ەلىمىزدەگى موبيلدىك بايلانىس وپەراتورلارى ابونەنتتەرىنىڭ %83 ى ينتەرنەتكە سمارتفون ارقىلى كىرەدى. 2016-جىلى كوپتەگەن ابونەنتتەر ايىنا 5 گ ب العان بولسا، 2017-جىلى بۇل كورسەتكىش 6 گ ب- قا جەتتى. بۇعان وپەراتورلاردىڭ جەلىنىڭ سوڭعى جەلىسىن ۇسىنۋى كومەكتەستى. ماسەلەن، 2017 -جىلى Altel 4G+ جەلىسىن ەنگىزدى، ال باسقا وپەراتورلار 4G جەلىسىن دامىتۋدا.
2018-جىلى بۇل ءۇردىس جالعاسادى، سمارتفوندار بۇرىنعىدان دا قۋاتتى ءارى جىلدام جۇمىس ىستەي باستايدى. بايلانىس وپەراتورلارى وسىنىڭ ارقاسىندا ۇسىنىلاتىن موبيلدىك ينتەرنەت كولەمىن ۇلعايتىپ جاتىر.
جەكەلەگەن شەكتەۋسىز سەرۆيستەر پايدا بولادى.
سارپاشىلاردىڭ پىكىرىنشە، شەكتەۋسىز ينتەرنەتتىڭ ورالۋىن كۇتپەگەن دۇرىس. ويتكەنى ول جەلىنىڭ جۇكتەمەسىنە ارتىق سالماق تۇسىرەدى. ءبىراق جەكەلەگەن سەرۆيستەرگە شەكتەۋسىز قولجەتىمدىلىكتىڭ پايجا بولۋى ابدەن مۇمكىن. بيىل شەكتەۋسىز قولجەتىمدىلىكتى ۇسىنعان العاشقى وپەراتور Tele2 بولدى. 25- قاڭتاردا تەلە «كادىمگىدەي»، «قوسىل»، «تولىعىمەن قوسىل» WhatsApp, Facebook, Instagram, VK الەۋمەتتىك جەلىلەرىن ىسكە قوسىپ، شەكتەۋسىز قولجەتىمدىلىكتى قوسا ۇسىندى. دەگەنمەن وپەراتور تاريفتەردىڭ باعاسىن بۇرىنعىسىنشا - اپتاسىنا 440 تەڭگەدەن، ايىنا 2590 تەڭگەدەن باستالاتىنداي ەتىپ قالدىردى.
ونداي تاريفتىك جوسپارلاردىڭ ارتىقشىلىعى ابونەنتتەر ءۇشىن ينتەرنەت-ترافيكتىڭ ۇنەمدەلۋى بولماق.
تاريفتىك جوسپار ءليميتىنىڭ ۇلعايۋىنا بايلانىستى باعا دا ارتادى.
بىلتىرعى جەلتوقساندا 4Service كومپانياسى جۇرگىزگەن زەرتتەۋ قازاقستاندىقتاردىڭ كوپشىلىگى بايلانىس ءۇشىن ايىنا ورتاشا 1 مىڭ تەڭگەدەن 2 مىڭ تەڭگەگە دەيىن اقشا شىعىندايتىنىن كورسەتتى. ال قازاقستان الەمدەگى موبيلدىك بايلانىس تاريفتەرى ەڭ ارزان ەلدەردىڭ ءبىرى بولىپ قالۋدا. بۇل بايلانىس وپەراتورلارىنا ايتارلىقتاي قيىندىقتار تۋىنداتادى. ويتكەنى ابونەنت ساپالى قىزمەت پەن جىلدام ينتەرنەت، مۇنىمەن قوسا 4G جەلىسىن تالاپ ەتەدى، ءبىراق ترافيكتىڭ مونەتيزاتسياسى تومەن كۇيىندە قالىپ وتىر. موبيلدىك ينتەرنەت پەن سويلەسۋ مينۋتتارىن قوسا ەسەپتەسەك، 2016-جىلعى باعا 2017-جىلى وزگەرىسسىز قالعانىن كورەمىز. سونىمەن بىرگە تاريفتىك پاكەتتەردەگى قىزمەتتەر كولەمى ۇلكەيگەندىكتەن، ابونەنتتىك تولەمدەر مولشەرى دە ارتقان.
موبيلدىك ينتەرنەتتى پايدالانۋ كولەمى قارقىنمەن ءوسىپ كەلە جاتقانىن ەسكەرسەك، وسىعان بايلانىستى بيىل تاريفتەردىڭ دە ءوسۋىن كۇتۋگە بولادى.
