ءبىر جاسقا دەيىنگى بالا كۇتىمىنە قاتىستى 2018-جىلعى جاردەماقىنىڭ مولشەرى بەلگىلى بولدى
«2018-جىلى بالا بىر جاسقا تولعانعا دەيىن ونىڭ كۇتىمىنە بايلانىستى اي سايىنعى مەملەكەتتىك جاردەماقى تولەۋگە رەسپۋبليكالىق بيۋدجەتتە 36,8 ميلليارد تەڭگە قاراستىرىلادى جانە جاردەماقىنىڭ مولشەرى وتباسىنداعى بالالار سانىنا قاراي 13853 تەڭگەدەن (ءبىرىنشى بالاعا، 16379 تەڭگە - ەكىنشى بالاعا، 18880 تەڭگە - ءۇشىنشى بالاعا) 21405 تەڭگەگە دەيىن (ءتورتىنشى جانە ودان كوپ بالاعا) تاعايىندالادى»، دەلىنگەن حابارلامادا.
جۇمىس ىستەمەيتىن ايەلدەرگە ءبىر جاسقا دەيىنگى بالا كۇتىمىنە بايلانىستى جاردەماقى رەسپۋبليكالىق بيۋدجەتتەن، ال جۇمىس ىستەيتىندەرگە - مەملەكەتتىك الەۋمەتتىك ساقتاندىرۋ قورىنان تولەنەدى.
2017-جىلى ءبىر جاسقا دەيىنگى بالا كۇتىمىنە بايلانىستى تولەمدەرگە 106,5 ميلليارد تەڭگە ءبولىندى. ءبىر جاسقا تولعانعا دەيىنگى بالا كۇتىمىنە بايلانىستى جاردەماقى تولەمدەرىنە 2017-جىلى رەسپۋبليكالىق بيۋدجەتتەن 32,4 ميلليارد تەڭگە ءبولىندى. وتكەن جىلى ءبىر جاسقا دەيىنگى بالا كۇتىمىنە بايلانىستى جاردەماقىنى ورتاشا ەسەپپەن 145,7 مىڭ ادام الدى. بۇل رەتتە، جاردەماقىنىڭ مولشەرى وتباسىنداعى بالالار سانىنا قاراي سارالانىپ، 13070 تەڭگەدەن (ءبىرىنشى بالاعا، 15452 تەڭگە - ەكىنشى بالاعا، 17812 تەڭگە - ءۇشىنشى بالاعا) 20195 تەڭگە شاماسىندا (ءتورتىنشى جانە ودان كوپ بالاعا) بەرىلدى.
مەملەكەتتىك الەۋمەتتىك ساقتاندىرۋ قورىنان 2017-جىلى جۇمىس ىستەيتىن ايەلدەرگە ءبىر جاسقا دەيىنگى بالا كۇتىمىنە بايلانىستى 74,1 ميلليارد تەڭگە الەۋمەتتىك تولەمدەر بەرىلدى. وسى الەۋمەتتىك تولەمدى ءبىر جىلدا ورتاشا ەسەپپەن 230,9 مىڭ ادام الدى. بۇل رەتتە، تولەنەتىن الەۋمەتتىك تولەمدەردىڭ مولشەرى سوڭعى 2 جىلداعى ورتاشا ايلىق تابىستىڭ %40 ىن قۇرادى.
سونداي-اق، 2014-جىلدىڭ باسىنان باستاپ، جۇمىس ىستەيتىن ايەلدەر ءۇشىن ءبىر جاسقا تولعانعا دەيىنگى بالا كۇتىمىنە بايلانىستى دەمالىستا جۇرگەندە، مىندەتتى زەينەتاقى جارنالارى سۋبسيديالانادى، بۇل جيناقتالعان زەينەتاقى قاراجاتىنىڭ ۇلعايۋىنا ىقپال ەتەدى. وسى ارالىقتا (2014-2017-جىلدارى) رەسپۋبليكالىق بيۋدجەتتەن زەينەتاقى جارنالارىن سۋبسيديالاۋعا جالپى 16,5 ميلليارد تەڭگە جۇمسالدى.
