كەدەندىك كودەكس: 2018-جىلى كولىك اكەلۋ ارزانداي ما؟
وسىعان بايلانىستى كوپتەگەن اتىراۋلىق جۇرگىزۋشىلەر ەندى رەسەيدەن جانە وسى وداققا كىرەتىن باسقا دا ەلدەردەن كولىك اكەلۋگە سالىناتىن الىمدار مەن سالىقتار ازايادى دەپ ەسەپتەيدى، دەپ جازادى اقجايىق.
اتىراۋ وبلىستىق كەدەندىك باقىلاۋ دەپارتامەنتىنىڭ ايتۋىنشا، جاڭا جىلدان باستاپ ە ا ە و كەدەن كودەكسىنىڭ كۇشىنە ەنۋى وسى اۋماقتان كولىك اكەلۋگە ەش اسەر ەتپەيدى. ويتكەنى بۇل ەلدەر اراسىندا كەدەندىك رەتتەۋ جوق، ياعني، 2011-جىلدان بەرى كىرگىزىلگەن تاۋارلارعا باج سالىعى سالىنبايدى.
ال وزگە ەلدەردەن كىرگىزىلەتىن اۆتوكولىكتەرگە سالىناتىن باج سالىعى د س ۇ الدىندا الىمداردى تومەندەتۋگە بايلانىستى مىندەتتەمەلەرى بويىنشا كولىكتەردىڭ پايدالانۋ مەرزىمىنە سايكەس %1 عا تومەندەتىلەدى. مىسالى، پايدالانىلعانىنا 3-7 جىل بولعان، قوزعالتقىشتىڭ جۇمىس كولەمى 1500 تەكشە س م. - 3000 تەكشە س م. ارالىعىنداعى كولىككە سالىناتىن الىم %19 دان %18 عا تومەندەيدى.
جالپى، شەتەلدەن اكەلىنگەن كولىك باعاسىنا باج سالىعىنان بولەك، قوسىلعان قۇن سالىعى، ۋتيليزاتسيالىق الىم، العاشقى تىركەۋ الىمى جانە تەحپاسپورت جانە نومەرگە تولەنەتىن الىمدار قوسىلادى. سالىق دەپارتامەنتى قىزمەتكەرى قازاقستاندا بەلگىلەنگەن ق ق س (%12)، باسقا دا الىمدارعا قاتىستى وزگەرىس بولمايتىنىن ايتتى.
ق ر ەنەرگەتيكا مينيسترلىگى 2016-جىلعى 27- اقپاندا قالدىقتاردى جەتكىزۋ، كەرى وڭدەۋ، زالالسىزداندىرۋ، پايدالانۋ جانە (نەمەسە) كادەگە جاراتۋ الىمىن (ۋتيليزاتسيالىق الىم) ەنگىزدى. وسى ۋاقىتتان باستاپ اۆتووندىرۋشىلەر مەن يمپورتاۋشىلار كولىكتى ساتقاندا، ال جەكە تۇلعا كولىگىن ەسەپكە قويعاندا ءبىر رەت ۋتيليزاتسيالىق الىم تولەيدى. ونى ەسەپتەۋ ادىستەمەسى بويىنشا، بازالىق 50 ا ە ك- ءتى كولىك قوزعالتقىشىنىڭ جۇمىس كولەمىنە بايلانىستى بەلگىلەنگەن كوەففيتسيەنتكە كوبەيتەدى. مىسالى، 1000 س م3 - 2000 س م3 كولەمدى كولىك ءۇشىن 50 ا ە ك- ءتى 7 گە كوبەيتەسىڭ، ياعني، بۇگىنگى ەسەپپەن 794150 تەڭگەگە شىعادى.
بۇعان 2016-جىلعى 1- قاڭتاردان باستاپ ق ر يندۋستريا جانە دامۋ مينيسترلىگى ەنگىزگەن قورشاعان ورتاعا زياندى اسەر ەتەتىن ترانسپورتتى قولدانۋشىلارعا سالىناتىن كولىك قۇرالدارىن العاشقى تىركەۋ الىمىن قوسىڭىز. بۇل الىم كولىكتىڭ پايدالانۋ مەرزىمىنە بايلانىستى (1 جىلعا دەيىن 0,25 ا ە ك، 3 جىلعا دەيىن - 50، ءۇش جىلدان جوعارى - 500 ا ە ك) بەلگىلەنەدى. ياعني، ەگەر ءسىز ە ا ە و اۋماعىنان نەمەسە شەتەلدەن 3 جىلدان اسا پايدالانعان كولىك ساتىپ ساتىپ الىپ، قازاقستانعا تىركەسەڭىز، 1134500 تەڭگە العاشقى تىركەۋ الىمىن تولەيسىز.
