استانانىڭ بوتانيكالىق باعى 2018-جىلدىڭ جازىندا اشىلادى

بۇگىنگە دەيىن باقتا 33 مىڭنان استام اعاش وتىرعىزىلىپ، جاساندى سۋ قويماسى سالىندى. ۆەلوسيپەدشىلەر مەن جۇگىرۋگە ارنالعان جولدار جاسالدى، دەپ حابارلايدى قازاقپارات ەلوردانىڭ مەديا ورتالىعىنا سىلتەمە جاساپ.

استانا قالاسى اكىمىنىڭ ورىنباسارى قوسمان ايمۇحامەتوۆ ءماسليحات وتىرىسىندا اتاپ وتكەندەي، جوبانىڭ جالپى قۇنى 23 ميلليارد تەڭگەنى قۇرايدى.

«بوتانيكالىق باقتىڭ اۋدانى - 92 گەكتار. جوبانىڭ جالپى قۇنى - 23 ميلليارد تەڭگە، بۇل قارجىنىڭ 12 ميلليارد تەڭگەسى - جەكە ينۆەستيتسيالار.

قازىرگى تاڭدا باقتا 2 جىلىجاي بار. ولاردىڭ بىرىندە تروپيكالىق وسىمدىكتەردىڭ 40 تان استام ءتۇرى، ەكىنشىسىندە - شولەيتتى وسىمدىكتەردىڭ 40 ءتۇرى وسىرىلۋدە. نىساننىڭ قۇرىلىسى 2018-جىلدىڭ ورتاسىندا اياقتالادى دەپ جوسپارلانۋدا»، - دەدى قوسمان ايمۇحامەتوۆ.

مۇنىمەن قوسا، قازىرگى تاڭدا استانادا وزەن جاعالاۋىنداعى ساياباق سالىنىپ جاتىر. ونىڭ جالپى اۋدانى 141 مىڭ شارشى مەتردى قۇراماق. مۇندا 10 مىڭنان استام جاپىراقتى جانە قىلقان جاپىراقتى اعاش وتىرعىزىلادى دەپ جوسپارلانىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى