قىتاي 2018-جىلى عارىشقا ءوزىنىڭ وربيتالىق ستانساسىن ۇشىرۋعا نيەتتى
ستانسا بىرنەشە مودۋلدەردەن تۇرادى، ولاردا قىتايلىق جانە شەتەلدىك عارىشكەرلەر جۇمىس جاسايدى، دەپ اڭگىمەلەدى ول قىتاي جاڭالىقتار اگەنتتىگىنە. قازىر قىتايلىق كونسترۋكتورلار بولاشاق ستانسانىڭ ومىرلىك قاجەتتەرىن قامتاماسىز ەتۋ جۇيەسىن جاساۋمەن اينالىسۋدا، سونىڭ ىشىندە وتتەگى مەن سۋدى پايدالانۋ جابدىقتارى دا بولماق، دەپ جازادى ت ا س س.
چجان بوناننىڭ ايتۋىنشا، ق ح ر ۇشىرعان وربيتاداعى «تيانگۋن-1» مودۋلىندە ءتيىستى تەحنولوگيالار بايقاۋدان وتۋدە. بۇل سىناقتار كەلەسى جىلى دا جالعاسادى، دەدى ول.
سونىمەن بىرگە قىتايدا شاعىن تۇيىق ەكوجۇيەلەر سالاسىنداعى زەرتتەۋلەر بەلسەندى جۇرگىزىلىپ جاتىر، ولار بولاشاقتا عارىشتى يگەرۋدە پايدالانىلاتىن بولادى.
بۇدان بۇرىن چجان بونان بولاشاقتا قىتاي ستانسالارى اي مەن مارستان ءارى تۇڭعيىقتى جارىپ ءوتىپ، الىس عارىشقا ساپار شەگە الاتىنىن مالىمدەگەن بولاتىن.
