مەديتسينالىق ساقتاندىرۋ قورىنا 2018-جىلى 133 ميلليارد تەڭگە ءتۇستى

سومانىڭ باسىم بولىگى استانا، الماتى قالالارى جانە قاراعاندى وبلىسىنان تۇسكەن، دەپ حابارلايدى قازاقپارات.

«2018-جىلدىڭ 1-31- جەلتوقسانى ارالىعىندا ءمامس قورىنا 10,4 ميلليارد تەڭگە اۋدارىلدى. «جۇيە ىسكە قوسىلعان 2017-جىلدىڭ 1- شىلدەسىنەن 2018-جىلدىڭ 31- جەلتوقسانىنا دەيىنگى ارالىقتا جيناقتالعان جارنانىڭ جالپى سوماسى 133 ميلليارد تەڭگەنى قۇرادى»، - دەلىنگەن «الەۋمەتتىك مەديتسينالىق ساقتاندىرۋ قورى» ك ە ا ق قوعاممەن بايلانىس دەپارتامەنتىنىڭ حابارلاماسىندا.

ونىڭ 124,3 ميلليارد تەڭگەسى (شامامەن %93,5) جۇمىس بەرۋشىلەردىڭ اۋدارىمدارى بولسا، قالعان 8,7 ميلليارد تەڭگەسى (%6,5 جۋىعى) - جەكە كاسىپكەرلەر مەن ازاماتتىق-قۇقىقتىق كەلىسىمشارت نەگىزىندە ەڭبەك ەتەتىن تۇلعالارعا تيەسىلى.

ايماقتىق تۇرعىدان العاندا، جارنا تولەۋ جاعىنان بۇرىنعىداي الماتى، استانا قالالارى مەن قاراعاندى وبلىسى كوش باستاپ تۇر. جيناقتالعان قارجى ۇلتتىق بانكتە ساقتالادى.

بولاشاقتا م ءا م س پاكەتى شەڭبەرىندەگى قىزمەتتەر اقىسىن تولەۋگە جۇمسالماق. ەلىمىزدىڭ باس بانكى قارجىنى سەنىمگەرلىك باسقارۋ تۋرالى كەلىسىمدى بەكىتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى