استانا 2018-جىلعى وليمپيادا ويىندارىنا 100 كۇن قالۋىن اتاپ ءوتتى

اتالعان شارانى   قازاقستان رەسپۋبليكاسى ۇلتتىق وليمپيادالىق كوميتەتى مەن استانا قالاسىنىڭ اكىمدىگى بىرلەسىپ   وتكىزدى.

وندا   جازعى سپورت تۇرلەرىنەن وليمپيادا جۇلدەگەرلەرى   قىسقى سپورت تۇرلەرىنەن   الداعى وليمپيادادا ەل نامىسىن قورعايتىن سپورتشىلارعا   ساتتىلىك تىلەدى . 


 

شاراعا   ارناي كەلگەن   دزيۋدودان   ريو وليمپياداسىنىڭ كۇمىس جۇلدەگەرى ەلدوس سمەتوۆ:  «قازىر قىسقى سپورت تۇرلەرىنەن سپورتشىلارىمىز قانداي كۇيدە ەكەنىن جاقسى تۇسىنەمىن. وليمپيادا ويىندارىنىڭ باستالۋىنا  100  كۇن قالعاندا ەڭ قىزۋ كەزەڭ باستالادى. سوندىقتان قىسقى سپورت تۇرلەرىنەن ۇلتتىق قۇرامانىڭ مۇشەلەرىنە ساتتىلىك تىلەيمىن. مىندەتتى تۇردە ءبىزدىڭ سپورتشىلارعا جانكۇيەر بولامىز، قولداۋ بىلدىرەمىز»، - دەپ اتاپ ءوتتى.

سونىمەن قاتار   سەريك ساپييەۆ، باقتيار ارتايەۆ، دانيار ەلەۋسىنوۆ، ۆاسيلي لەۆيت، گۋزەل مانيۋروۆا، ارمان چيلمانوۆتار 2018-جىلعى وليمپيادا ويىندارىندا ەل نامىسىن قورعايتىن سپورتشىلارعا ساتتىلىك تىلەگەندەردىڭ اراسىندا بولىپ، شارانىڭ سۇراق-جاۋاپ سياقتى ويىندارىنا بەلسەنە ات سالىستى. سونداي-اق،  ولار كونكي كيىپ، جانكۇيەرلەرمەن بىرگە مۇز ايدىندا سىرعانادى.

ال كونكيمەن جۇگىرۋ سپورتىنان قازاقستان ۇلتتىق قۇراماسىنىڭ مۇشەلەرى شەبەرلىك ساباعىن وتكىزدى. قۇرامانىڭ بەلدى مۇشەلەرىنىڭ ءبىرى دەنيس كۋزين شاراعا قاتىسۋشىلارعا قولداۋ بىلدىرگەندەرى ءۇشىن العىسىن جەتكىزدى.

«وليمپيادا ويىندارى بەز كەلگەن سپورتشىنىڭ عۇمىرىنداعى ەڭ باستى سپورت جارىسى. سوندىقتان ولار سول   ويىندارعا ەرەكشە دايىندالادى. ءقازىر باستى ماقساتى  -  وڭتۇستىك كورەيادا وتەتىن وليمپياداعا ىرىكتەلىپ جولداما الۋ. ال ويىنداردا جاقسى ناتيجە كورسەتۋ ءىشىن بارىمىزدى سالامىز» -   دەدى   دەنيس كۋزين.

ەستەرىڭىزگە سالا كەتەيىك  ،  وڭتۇستىك كورەيادا وليمپيادا ويىندارى اقپاننىڭ  9-25  ارالىعىندا وتەدى .

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى