الماتى وبلىسىندا «سونار-2017» قۇسبەگىلەر جارىسى مارەسىنە جەتتى - فوتو

بۇركىتشىلەر اراسىندا وتكەن سايىستا استانالىق سەرىكبول كۇنتۋعان 1- ورىندى قانجىعالاسا، اتىراۋ وبلىسىنان كەلگەن ارمان قوشقاروۆ  2-ورىندى، جامبىل وبلىسىنان كەلگەن سەرىكبولسىن جالعاس ۇلى 3- ورىندى يەلەنسە، الماتى وبلىسىنىڭ ابىرويىن قورعاعان ابزال ابەن 4- ورىندى قاناعات تۇتتى.

الماتى وبلىسىندا «سونار-2017» قۇسبەگىلەر جارىسى مارەسىنە جەتى تال قارشىعاشىلار اراسىندا وتكەن جارىستا بەكسۇلتان سەيتجان 1- ورىندى، رەنات مىرزابايەۆ 2- ورىندى يەلەندى. جامبىل وبلىسىنان كەلگەن بەرىكبولسىن باباجان 3- ورىنعا تابان تىرەدى. جەڭىسكە جەتكەندەردىڭ بارلىعى ماراپاتتالىپ، اقشالاي سىي-سياپاتقا يە بولدى.

الماتى وبلىسىندا «سونار-2017» قۇسبەگىلەر دوداسى تالدىقورعانعا جاقىن جەردەگى سىرىمبەت اۋىلىنىڭ ماڭىندا ءوتتى. بيىلعى سايىس قازاقستان رەسپۋبليكاسى رامىزدەرىنىڭ 25 جىلدىعى جانە «جالايىر شورا» اتىنداعى قۇسبەگىلەر مەكتەبىنىڭ 30 جىلدىعى اياسىندا ۇيىمداستىرىلدى.

الماتى وبلىسىندا «سونار-2017» قۇسبەگىلەر جارىسى مارەسىنە جەتتىدوداعا قازاقستاننىڭ ءار ايماعى مەن قىتاي جانە موڭعوليا ەلىنەن 100 دەن استام قۇسبەگى قاتىستى. ولار 70 كە جۋىق بۇركىت، قارشىعا، يتەلگى مەن ءبيدايىق سىندى قۇستاردى باپتاپ اكەلدى. سايىس ەكى كەزەڭدە ءوتتى.

جارىستىڭ العاشقى كۇنىندە قۇسبەگىلەر شىرعاعا سالۋ، قويان اۋلاۋ ونەرىمەن سىنعا ءتۇستى. ال اقتىق دودادا قۇسبەگىلەر بۇركىتتەرىن تۇلكىگە سالىپ جارىستى. تورەشىلەر بۇل جولى قىران قۇس پەن قۇسبەگى اراسىنداعى قارىم-قاتىناسقا دا نازار اۋداردى.

اۆتور: سامال قابىشەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى