قازاقستانداعى 2017 -جىلعى ەڭ تانىمال ماماندىقتار ءتىزىمى جاريالاندى
«بيىلعى تالاپكەرلەر اراسىندا ەڭ كوپ تاڭدالعان ماماندىقتار اراسىندا: حالىقارالىق قاتىناستار، قۇقىقتانۋ، كەدەن ءىسى، ديزاين، قارجى، ەسەپ جانە اۋديت، مەنەدجمەنت، مەملەكەتتىك جانە جەرگىلىكتى باسقارۋ ماماندىقتارى بار»، - دەپ اتاپ ءوتتى اسسوتسياتسيا وكىلى گۇلجامال جاپاروۆا ورتالىق كوممۋنيكاتسيالار قىزمەتىندە وتكەن باسپا ءسوز كونفەرەنسياسى بارىسىندا.
ونىڭ ايتۋىنشا، تەحنيكالىق ماماندىقتى تاڭداعان تالاپكەرلەر اراسىندا اسىرەسە: گەودەزيا مەن كارتوگرافيا، ستاندارتتاۋ جانە سەرتيفيكاتتاۋ، ەلەكتروەنەرگەتيكا، اقپاراتتىق جۇيەلەر، بيوتەحنولوگيا مەن فارماتسيەۆتيكالىق ءوندىرىس تەحنولوگياسى، اۆتوماتتاندىرۋ جانە باسقارۋ، ەسەپتەۋ تەحنيكاسى جانە باعدارلامالىق قامتاماسىز ەتۋ، راديوتەحنيكا، ەلەكترونيكا مەن تەلەكوممۋنيكاتسيا، قۇرىلىس ماماندىعىن تاڭداعاندار كوپ.
ال گەولوگيا مەن پايدالى قازبالى كەن ورىندارىن بارلاۋ، تاۋ- كەن ءىسى، مەتتالۋرگيا، ماشينا جاساۋ، قۇرال جاساۋ، اعاش وڭدەۋ تەحنولوگياسى ماماندىقتارى بويىنشا وقۋعا تاپسىرعاندار از بولىپتى.
«مەديتسينالىق ماماندىقتار اراسىنداعى باسەكە بۇرىنعى قالپىندا قالدى: ستوماتولوگيا، جالپى مەديتسينا مەن فارماتسياعا تاڭداۋ جاساعاندار كوپ. اۋىل شارۋاشىلىعى مەن ۆەتەرينارلىق ماماندىقتار تانىمال ەمەس ماماندىقتار قاتارىندا. ولار: جەمىس- كوكونىس ءوسىرۋ، مەليوراتسيالاۋ، جەردى قورعاۋ جانە توپىراق قۇنارلىعىن ارتتىرۋ، وسىمدىكتەردى قورعاۋ جانە كارانتين ماماندىقتارى»، - دەپ اتاپ ءوتتى جاپاروۆا.
