ش ى ۇ مارافونشىلارى ەكسپو قۇرمەتىنە 2017 مەتر قاشىقتىقتى جۇگىرىپ وتەدى
ق ر جەڭىل اتلەتيكا فەدەراتسياسىنىڭ ءبىرىنشى ۆيتسە-پرەزيدەنتى ەلدار تابانوۆتىڭ ايتۋىنشا، تولىق مارافوننىڭ قاتىسۋشىلارى 42 شاقىرىم 195 مەتردى، اۋەسقويلار - 10 شاقىرىمدى جانە كەز كەلگەن تىلەك ءبىلدىرۋشى ەكسپو-2017 قۇرمەتىنە ەنگىزىلگەن سيمۆوليكالىق 2017 مەتردى جۇگىرىپ ءوتۋى ءتيىس جانە ولار جارىسقا تىركەلۋ ءۇشىن بەلگىلەنگەن جارنالاردى تولەۋى قاجەت.
«مارافونعا قاتىسۋ تۋرالى وتىنىمدەر ءوز وتانداستارىمىزدان عانا ەمەس، ش ى ۇ ەلدەرىنەن دە كەلىپ ءتۇستى.
ەۋروپا مەن افريكا ەلدەرىنەن دە مارافونعا قاتىسۋعا نيەت بىلدىرگەندەر دە بار. جارىسقا تىركەلۋ ءۇشىن 10 شاقىرىمعا جۇگىرەتىندەر 3000 تەڭگە، 42 شاقىرىم 195 مەترگە جۇگىرەتىندەر - 5000 تەڭگە جارنا تولەۋى ءتيىس.
ال 2017 مەترگە جۇگىرۋ تەگىن. زەينەتكەرلەر مەن مۇمكىندىگى شەكتەۋلى جاندار مارافونعا تەگىن قاتىسادى. 25-26- تامىز كۇندەرى قاتىسۋشىلارعا ستارتتىق پاكەتتەر بەرىلەدى. جۇگىرۋگە ارنالعان جەيدەلەر مەن ءاربىر قاتىسۋشىنىڭ جەكە ءنومىرى بار بۇل پاكەتتى سايتقا تىركەلگەن قاتىسۋشىلار الادى»، - دەدى ەلدار تابانوۆ.
مارافون 27- تامىز كۇنى استانا قالاسىنىڭ سول جاعالاۋىندا تاڭعى 7:30-دا باستالادى. بۇل ۋاقىتتا 42 شاقىرىمدى جۇگىرىپ وتەتىن سپورتشىلار سىنعا تۇسەدى. اۋەسقويلار - 8:00 دە جانە 2017 مەترگە قاتىسۋشىلار 8:30-دا جۇگىرۋدى باستايدى.
