استانادا «ق ح ا-2017 ارۋى» تاڭدالدى

شارانىڭ ماقساتى - قوعامدىق كەلىسىم مەن ۇلتتىق بىرلىكتىڭ قازاقستاندىق ۇلگىسىن تانىتۋ، وسكەلەڭ ۇرپاقتىڭ بويىنا زاماناۋي ادەپ پەن ادامگەرشىلىك قاسيەتتەردى دارىتۋ، ءارتۇرلى ەتنوستاردىڭ باي مادەنيەتىمەن، داستۇرىمەن تانىستىرىپ، جاس ۇرپاقتىڭ شىعارماشىلىق دارىنىن دامىتۋ.

سۇلۋلىق بايقاۋىنا ەتنومادەني بىرلەستىكتەردىڭ 7 وكىلى قاتىستى.

 «اسسامبلەيا - 2017 ارۋى» بايقاۋىنىڭ قاتىسۋشىلارى الدىمەن وزدەرىن تانىستىردى. سونداي- اق وزدەرىنىڭ ارمان- تىلەكتەرى تۋرالى ايتىپ ءوتىپ، بويلارىنداعى شىعارماشىلىق مۇمكىندىكتەرىمەن تانىستىردى.

 بايقاۋ بارىسىندا قازاقستاندىق ەستارادا جۇلدىزدارى مەن ەلوردانىڭ شىعارماشىلىق ۇجىمدارى ونەر كورسەتتى. قاتىسۋشىلاردىڭ مىندەتى ۇلتتىق مادەنيەت پەن شىعارماشىلىق مۇمكىندىكتەرىن كورسەتۋ ەدى.

 «اسسامبلەيا - 2017 ارۋى» بايقاۋىنىڭ قورىتىندىسى بويىنشا، استانا قالاسىنىڭ كارىس ەتنومادەني بىرلەستىگىنىڭ وكىلى اناستاسيا جمايەۆا - كيم جەڭىمپاز اتاندى. «اسسامبلەيا - 2017 ۆيتسە- ارۋى» اتاعىن «راديما» بەلارۋس ورتالىعىنىڭ وكىلى يرينا بوندار جەڭىپ الدى. «كورەرمەندەر كوزايىمى» «وبەرەگ» ۋكراين قوعامداستىعىنىڭ وكىلى ەكاتەرينا زاحارچۋك بولدى.

بايقاۋدىڭ جۇلدە قورى - 150 مىڭ تەڭگە. «اسسامبلەيا - 2017 ارۋى» - 100 مىڭ، «اسسامبلەيا - 2017 ۆيتسە- ارۋى» جانە «كورەرمەندەر كوزايىمى» - 50 مىڭ تەڭگە.

فوتو: astana.gov.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى