الماتى ۋنيۆەرسيادا-2017 ويىندارىن دوپينگىسىز وتكىزگەن

بۇل تۋرالى حالىقارالىق ستۋدەنتتىك سپورت فەدەراتسياسى (FISU) رەسمي مالىمدەدى. ۋنيۆەرسيادا ويىندارى ۇستىمىزدەگى جىلى 29- قاڭتار مەن 8- اقپان ارالىعىندا ءوتتى.

وعان 57 ەلدەن 1621 سپورتشى قاتىسقان بولاتىن. زەرتحاناعا جالپى سانى 216 سپورتشىنىڭ سىنامالارى جىبەرىلگەن. اۋستراليادان تەكسەرىلگەن سىنامالاردىڭ بارلىعى دا تازا ەكەنى دالەلدەنگەن.

ەستەرىڭىزگە سالا كەتەيىك، الماتىداعى 28- قىسقى ۋنيۆەرسيادا قازاقستاندىق سپورتشىلار 11 التىن، 8 كۇمىس، 17 قولا مەدال جەڭىپ الىپ، جالپى كوماندالىق ەسەپتە ەكىنشى ورىن الدى.

ال رەسەي قۇراماسى ءبىرىنشى ورىندى يەلەندى. ولار بارلىعى 71 مەدال (29 التىن، 27 كۇمىس، 15 قولا) جەڭىپ الدى. ءۇشىنشى ورىندى 11 التىن، 5 كۇمىس، 5 قولا مەدال ەنشىلەگەن وڭتۇستىك كورەيا ەلىنىڭ سپورتشىلارى قانجىعاسىنا بايلادى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى