ازيادا-2017: قازاقستان قورجىنىنا جەتىنشى التىن مەدال ءتۇستى

بۇگىن بياتلونشىلارىمىز 15 شاقىرىمدىق ماسس- ستارت جارىسىنان ونەر كورسەتتى. ناتيجەسىندە يان ساۆيتسكيي بارلىق قارسىلاستارىن قاپى قالدىرىپ، باس جۇلدەنى جەڭىپ الدى. بۇل يان ساۆيتسكيدىڭ Ⅷ قىسقى ازيا ويىندارىنداعى جەكە جارىستارداعى ءۇشىنشى جۇلدەسى.

ول وسىعان دەيىن ءبىر التىن، ءبىر كۇمىس جۇلدە جەڭىپ العان بولاتىن. بۇل سىندا ەكىنشى ورىندى قىتاي سپورتشىسى ۆەنكيان ۆانگا يەلەنسە، ءۇشىنشى ورىندى جاپونيا سپورتشىسى كوسۋكە وزاكي قانجىعاسىنا بايلادى.

جەڭىمپازدار مەن جۇلدەگەرلەر: 1. يان ساۆيتسكي (قازاقستان) - 44:12.2 (0+1+1+1) 2. ۆەنكيان ۆانگ (قىتاي) - +41.9 (0+0+1+0) 3. كوسۋكە وزاكي (جاپونيا) - +59.3 (0+2+2+1) 6. ۆاسيلي پودكورىتوۆ (قازاقستان) - +1:26.3 (1+0+1+1) 8. انتون پانتوۆ (قازاقستان) - +1:39.4 (2+1+0+2) 10. ماكسيم براۋن (قازاقستان) - +2:12.5 (2+1+0+1) . ەندى شامالى ۋاقىتتان كەيىن، بياتلونشى ارۋلارىمىز 12,5 شاقىرىم قاشىقتىقتا ونەر كورسەتەدى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى