قارۋلى كۇشتەردە 2017 - جىلعا ارنالعان جاۋىنگەرلىك دايارلىقتىڭ باعىتتارى بەلگىلەندى - فوتو
2017 وقۋ جىلىندا اسكەري قىزمەتشىلەردىڭ جاۋىنگەرلىك دايارلىعىنداعى نەگىزگى كۇش- جىگەر اسكەرلەردىڭ جاۋىنگەرلىك قابىلەتتىلىگىنىڭ جوعارى دەڭگەيىن ۇستاپ تۇرۋعا، جاۋىنگەرلىك دايارلىق ساباقتارىن ۇيىمداستىرۋ مەن وتكىزۋ ساپاسىن ارتتىرۋعا باعىتتالاتىن بولادى. الداعى وقۋ جىلى جەكە قۇرامدى وقىتىپ- ۇيرەتۋ بويىنشا پراكتيكالىق ساباقتارعا تولى بولادى. وندا نەگىزگى نازار تاكتيكالىق بۋىندى دايىنداۋعا اۋدارىلادى.
سونىمەن بىرگە، جاۋىنگەرلىك ءىس- قيمىلداردى ۇيىمداستىرۋ جانە زاماناۋي اۆتوماتتاندىرىلعان باسقارۋ جانە بايلانىس جۇيەلەرىن قولدانا وتىرىپ، اسكەرلەردى باسقارۋ بويىنشا اسكەري باسقارۋ ورگاندارىنىڭ جۇمىس جاساۋ ادىستەرىن جەتىلدىرۋ جالعاستىرىلادى. جەكە قۇرامنىڭ، قارۋ- جاراق پەن اسكەري تەحنيكانىڭ قايتا ورنالاسۋى ماسەلەلەرىن پىسىقتاي وتىرىپ، ەلىمىزدىڭ اۋماعىندا جانە حالىقارالىق ەكىجاقتى جانە ءتۇرارالىق وقۋ- جاتتىعۋلارعا قازاقستان قارۋلى كۇشتەرى اسكەري قىزمەتشىلەرىنىڭ قاتىسۋى مەن وتكىزىلۋى تاجىريبەسى جالعاسۋدا.
ءبىر جىل بويى اسكەرلەر «قابىلان جولى - 2017»، «دالا قىرانى - 2017»، «جاۋىنگەرلىك باۋىرلاستىق - 2017»، «مىزعىماس باۋىرلاستىق - 2017»، «جاۋىنگەرلىك دوستاستىق - 2017»، «تۇلكى اۋلاۋ - 2017» ىسپەتتى ءبىرقاتار اۋقىمدى حالىقارالىق لاڭكەستىككە قارسى جانە بىتىمگەرشىلىك وقۋ- جاتتىعۋلارعا، ونىڭ ىشىندە، ۇ ق ش ۇ- نىڭ جەدەل دەن قويۋ ۇجىمدىق كۇشتەرى اسكەري كونتينگەنتتەرىنىڭ قۇرامىنداعى «ءوزارا ءىس- قيمىل - 2017»، سونداي- اق، ش ى ۇ مۇشە مەملەكەتتەرى قارۋلى كۇشتەرىنىڭ «بەيبىت ميسسيا - 2017» وقۋ- جاتتىعۋىنا قاتىسادى.
اۋقىمدى بىرلەسكەن پراكتيكالىق جاتتىعۋلاردىڭ وتكىزىلەتىن ورنى قازاقستان، رەسەي، ارمەنيا جانە قىتايدىڭ اسكەري پوليگوندارى بولماق. اسكەرلەردىڭ جەدەل دايارلىعى شەڭبەرىندە جاۋىنگەرلىك ازىرلىك بويىنشا ساباقتار، قارۋلى كۇشتەر تۇرلەرى، تەكتەرى جانە قارۋلى كۇشتەر وڭىرلىك قولباسشىلىقتارى باسقارۋ ورگاندارىنىڭ كوماندالىق- شتابتىق اسكەري ويىندارعا، سونىمەن قاتار، «قاراتاۋ - 2017» جەدەل- ستراتەگيالىق وقۋ- جاتتىعۋعا قاتىسۋى جوسپارلانعان. جاۋىنگەرلىك دايارلىقتا جەكە قۇرامنىڭ اتىس، دەنە، ارنايى جانە مەملەكەتتىك- قۇقىقتىق دايىندىعىن جەتىلدىرۋ جالعاسىن تابادى.
2017 -جىلى جۇمىلدىرۋ دايارلىعى جاۋىنگەرلىك ازىرلىكتىڭ جوعارى دارەجەسىنە كەلتىرۋ بويىنشا جاتتىقتىرۋلاردى قامتيتىن بولادى. الداعى جىلدىڭ ماڭىزدى وقيعالارىنىڭ ءبىرى ەلىمىزدىڭ قارۋلى كۇشتەرىنىڭ 25 جىلدىعىنا وراي اسكەري پارادتىڭ وتكىزىلۋى، سونداي- اق، شىلدەنىڭ 29-ى مەن تامىزدىڭ 12- ءى ارالىعىندا جوسپارلانعان ارميا حالىقارالىق ويىندارى - 2017 اياسىندا اسكەري قىزمەتشىلەردىڭ جاۋىنگەرلىك وقۋىنىڭ سايىسقا ءتۇسۋ ءپىشىمىنىڭ تاجىريبەسىن جالعاستىرۋ جانە ساپالى تۇرعىدا كەڭەيتۋ بولماق.
الدا بولاتىن ارميا ويىندارىنىڭ باعدارلاماسىنا 27 بايقاۋ ەنگىزىلەدى. ونىڭ 4-ەۋى ءپىشىمى مەن قاتىسۋشىلارى بويىنشا تىڭ جاڭا. بۇل اسكەري ينسپەكتورلارى اراسىنداعى «جول پاترۋلى»، «ۇ ۇ ا ەكيپاجدارىنىڭ سايىستارى»، ت م د قاتىسۋشى مەملەكەتتەرىنىڭ اسكەري قىزمەتشىلەرىنىڭ اسكەري- كاسىبي شەبەرلىگىنىڭ «دوستاستىق جاۋىنگەرى» بايقاۋى جانە اسكەري پوليتسيا اسكەري قىزمەتشىلەرى اراسىنداعى «ءتارتىپ ساقشىسى» سايىسى. «مەرگەن شەبى»، «ارتيللەريالىق وق اتۋ شەبەرلەرى»، جانە «ۇۇا ەكيپاجدارىنىڭ سايىسى» اتتى ءۇش حالىقارالىق بايقاۋ قازاقستان اۋماعىندا وتەتىنى ەستە قالارلىق بولادى.
جاۋىنگەرلىك دايارلىقتىڭ جەكەلەگەن تاپسىرمالارى ق ر ق ك ءاربىر اسكەر ءتۇرىنىڭ الدىندا تۇرعانىن ايتا كەتكەن ءجون.
قۇرلىق اسكەرلەرىندە زاماناۋي سوعىس پەن قارۋلى شيەلەنىستەردىڭ سيپاتىنا سايكەس اسكەري بولىمدەر مەن قۇرامالاردىڭ جاۋىنگەرلىك جانە جۇمىلدىرۋ ازىرلىگىن ارتتىرۋ بويىنشا جۇمىس ءوز جالعاسىن تابادى.
اۋە قورعانىسى كۇشتەرىندە جاۋىنگەرلىك ازىرلىكتىڭ جوعارى دەڭگەيىن ۇستاپ تۇرۋعا، كاسىپقويلىقتى ارتتىرۋعا، كۇندىز جانە تۇندە قاراپايىم جانە كۇردەلى مەتەوجاعدايلاردا پيلوتاجداۋ تەحنيكاسىنىڭ ۇشۋ قۇرامىن جەتىلدىرۋگە نازار اۋدارىلادى.
اسكەري- تەڭىز كۇشتەرىندە كورابلدەردىڭ جاۋىنگەرلىك كەزەكشىلىگىن، جوعارى تۇرعان اسكەري باسقارۋ ورگاندارىمەن ءوزارا ءىس- قيمىلدى ۇيىمداستىرۋ جونىندەگى جۇمىستى جالعاستىرۋ.
وتكەن وقۋ جىلىندا قارۋلى كۇشتەر قۇرامالارى مەن اسكەري بولىمدەرىنىڭ جەكە قۇرامى دالالىق، ۇشۋ جانە تەڭىز داعدىسىن شىڭداي وتىرىپ، كاسىبي شەبەرلىكتىڭ ءوسۋىنىڭ وڭ ديناميكاسىن كورسەتكەنىن ايتا كەتكەن ءجون. اسكەري قىزمەتشىلەر جوسپارلى جاۋىنگەرلىك وقۋ، ونىڭ ىشىندە، ساربازدىڭ، كەلىسىمشارت بويىنشا اسكەري قىزمەتشى مەن سارداردىڭ جەكە دايىندىعىندا، ءبىلىمدى ارتتىرۋ مەن شتاتتىق قارۋ جانە تەحنيكانى مەڭگەرۋ شەبەرلىگىندە بەلگىلى ءبىر جەتىستىكتەرگە قول جەتكىزدى. بۇل رەتتە 2016 -جىلى جاۋىنگەرلىك دايارلىقتىڭ ماڭىزدى وقيعالارى جەدەل- تاكتيكالىق، تاكتيكالىق- ارنايى جانە «ايبالتا - 2016»، «قاراتاۋ - 2016»، «ءوزارا ءىس- قيمىل - 2016»، «مىزعىماس باۋىرلاستىق - 2016»، «كەمبريالىق پاترۋل» جانە جاستاردىڭ «ايبىن» اسكەري- پاتريوتتىق فورۋمىنىڭ وتكىزىلۋى بولدى. قازاقستاندىق اسكەري قىزمەتشىلەردىڭ «دوستاستىق جاۋىنگەرى» مەن «التىن ۇكى» سايىستارىنا، سونداي- اق، ارميا حالىقارالىق ويىندارىنىڭ 21 كونكۋرسىنا، ونىڭ ەكەۋى العاش رەت قازاقستاننىڭ «ءماتىبۇلاق» اسكەري بازاسىندا ويداعىداي وتكەنىن ايتا كەتكەن ابزال. 2017 وقۋ جىلى «قارۋلى كۇشتەردىڭ 25 جىلدىعىنا - جوعارى جاۋىنگەرلىك ازىرلىك!» ۇرانىمەن وتەتىن بولادى.
