ۋنيۆەرسيادا-2017: قازاقستان قۇراماسىنىڭ كيىم ۇلگىسى نەبارى بەس كۇندە انىقتالعان-فوتو
بالكىم، بۇعان ۇيىمداستىرۋشىلار جارىستى تەك 15-20 - قاراشا ارالىعىندا عانا وتكىزگەنى سەبەپ شىعار. بۇل تۋرالى بۇگىن استانادا باسپا ءسوز ءماسليحاتىن وتكىزگەن «Z Industries» كومپانياسىنىڭ وكىلى دانيار تەبايەۆ ءمالىم ەتتى.
«قۇرامانىڭ كيىم ۇلگىسىن انىقتاۋ ءۇشىن وسى جىلدىڭ 15-20 - قاراشاسى ارىلىعىندا ق ر ءبىلىم جانە عىلىم مينيسترلىگىنىڭ تاپسىرىسىنا ساي، رەسپۋبليكالىق كونكۋرس وتكىزدىك. كونكۋرستىق كوميسسياعا تەك ەكى جۇمىس ءتۇستى. سونىڭ ىشىنەن بىرەۋىن تاڭداپ الدىق»، - دەدى ول.
كونكۋرس جوعارى وقۋ ورىندارىنىڭ ستۋدەنتتەرى، مەكتەپ وقۋشىلارى اراسىندا ۇيىمداستىرىلعان ەكەن. كونكۋرس جەڭىمپازىنا ەندى ۋنيۆەرسيادادا ستۋدەنتتەرىمىزدىڭ قۇراماسى كيەتىن كيىمنىڭ تولىق كومپلەكتىسى سىيعا تارتىلادى.
«250 كومپلەكت كيىم تىگەمىز. كيىم تىگەتىن ماتەريال وتە ساپالى، بارلىق تالاپقا ساي بولادى جانە ايازعا شىدامدى بولماق. جەڭىمپازدىڭ جۇمىسىنا قاراساڭىزدار، كيىمدە كوك، كوكشىل جانە اق تۇستەر بار»، - دەدى قوسىمشا اقپاراتتى كەيىنىرەك تاراتامىز دەگەن د. تەبايەۆ.
ايتا كەتەيىك، ۋنيۆەرسيادا جارىستارى - ستۋدەنتتەر ارسىنداعى سپورتتىڭ حالىقارالىق فەدەراتسياسىنىڭ قولداۋىمەن وتەتىن ستۋدەنتتەر اراسىنداعى جارىس. بيىل 28- قىسقى ۋنيۆەرسيادا قازاقستاننىڭ الماتى قالاسىندا وتەدى.
