نازاربايەۆ ەكسپو-2017 ءىسى بويىنشا سوتتالعانداردى مىسال ەتتى
استانا. قازاقپارات - نازاربايەۆ EXPO-2017 ءىسى بويىنشا سوتتالعانداردى مىسالعا كەلتىردى، - دەپ حابارلايدى Tengrinews.kz ءتىلشىسى.
استانادا مەملەكەت باسشىسىنىڭ قاتىسۋىمەن قازاقستان سۋديالارىنىڭ VII سەزى ءوتىپ جاتىر.
«مەن بارلىعىنىڭ سوت الدىندا بىردەي ەكەنىن بەكەر ايتىپ وتىرعام جوق. ءبىز ونى جاساپ جاتىرمىز. قازىرگى ۋاقىتتا سىبايلاس جەمقورلىققا قارسى جۇرگىزىپ جاتقان شارالارىمىزدىڭ ناتيجەسىندە مينيسترلەر سوتتالدى. ولار بىرنەشە، اتىن اتاپ، ءتۇسىن تۇستەپ جاتپاي-اق قويايىن. وبلىس اكىمدەرى قانشاما، باسشىلار، مينيسترلەردىڭ ورىنباسارلارى جانە EXPO-2017 ("استانا ەكسپو-2017"ۇ ك" ا ق) ۇرلىق جاساعان باسشىلارى سوتتالدى. بۇل دەگەنىمىز سوت الدىندا ءبارى دە بىردەي»، - دەدى مەملەكەت باسشىسى.
نۇرسۇلتان نازاربايەۆ ءوز كەزەگىندە سۋديالاردىڭ ادال بولۋى كەرەكتىگىن اتاپ ءوتتى.
«زاڭدىلىقتى قورعاپ جۇرگەن سۋديالار زاڭدى بۇزۋعا قاقىسى جوق، ونىڭ ىشىندە قىلمىستىق ءىس. بۇل دەگەنىمىز نونسەنس، مۇنى بىردەن ماسەلەنىڭ باسى باستالدى دەپ ساناۋ كەرەك»، - دەدى ەلباسى.
قازاقستان پرەزيدەنتى ەلدەگى سوت جۇيەسىنە سەنىم ءبىلدىرىپ، الەمدىك ستاندارتتارعا ساي بولۋى ءتيىس ەكەنىن ايتتى. پرەزيدەنتتىڭ ويىنشا، سوتتار مەن قۇقىق قورعاۋ ورگاندارىنا دەگەن سەنىم ءالى دە ءالسىز بولىپ جاتىر.
«مۇنى قازاقستاندىقتاردىڭ مەملەكەتتىك ينستانتسيالارعا جانە پرەزيدەنتكە جازعان حاتىنان بىلۋگە بولادى، وندا سوت شەشىمدەرى مەن قۇقىق قورعاۋ ورگاندارىنىڭ نارازىلىق ءبىلدىرىپ جاتادى. سونداي- اق سۋديالاردىڭ تازا ءارى ساتىلمايتىندىعىنا دا كۇمان كەلتىرىپ جازاتىندار دا بار»، - دەدى نۇرسۇلتان نازاربايەۆ.
وتكەن جىلى پرەزيدەنت اكىمشىلىگىنە شامامەن 10 مىڭ ازامات پەن ۇيىم زاڭدىلىققا بايلانىستى حات جازعان. بيىل وسىنداي حاتتار سانى جەتى مىڭعا جەتتى.
ەسكە سالايىق، 2016 -جىلى 9 -تامىزدا "استانا ەكسپو-2017"ۇ ك" ا ق بۇرىنعى باسشىسى تالعات ەرمەگيايەۆ 14 جىلعا باس بوستاندىعىنان ايىرىلعان ەدى. سونىمەن قاتار، ونىڭ مۇلكى تاركىلەنىپ، مەملەكەتتىك جانە كوممەرتسيالىق ۇيىمداردا جەتەكشىلىك قىزمەت ەتۋ قۇقىعىنان ءومىر بويىنا ايىرىلدى. ەرمەگيايەۆتەن جالپى الماتىداعى پاتەرى، استانا مەن الماتىداعى جەر ۋچاسكەلەرى، بىرنەشە بانكتەگى قاراجات، بىرنەشە ج ش س- داعى ۇلەسى جانە كولىكتەرى تاركىلەنگەن ەدى. ال تاياۋدا ونىڭ جازاسىن استاناداعى قاتاڭ تارتىپتەگى كولونيادا وتەپ جاتقانى حابارلاندى.
