ۋنيۆەرسيادا-2017 ۇيىمداستىرۋشىلارى الەمنىڭ تانىمال سپورتشىلارىن شاقىرعان جوق

«ارينە، ءبىز ۋنيۆەرسيادادا الەمدىك سپورتتىڭ سۋپەر سپورتسمەندەرى مەن سۋپەر جۇلدىزدارىن كۇتىپ وتىرعانىمىز جوق. بۇل ۋنيۆەرسيادا، ستۋدەنتتەر ويىنى. ەكىنشى جاعىنان ۋنيۆەرسيادا جاڭا جۇلدىزداردىڭ ەسىمىن ايگىلەيتىن بولادى. جەرلەستەرىمىز، ۋنيۆەرسيادا قوناقتارى سپورتتىڭ بولاشاق جۇلدىزدارىن كورۋىنە مۇمكىندىك تۋادى. ءبىرشاما ۋاقىت وتكەننەن كەيىن: «مەن مىنا جۇلدىزدى وسىدان 2-3 جىل بۇرىن الماتىدا كورگەنمىن» دەپ ايتاتىندار بولادى»، - دەدى نايل نۋروۆ.

سونىمەن قاتار، ول قازاقستاندىق سپورتشىلار ۋنيۆەرسيادا ويىندارىنا بەلسەندى دايىندالىپ جاتقانىن ايتتى. «ءبىزدىڭ سەرىكتەستەردىڭ كومەگىمەن ۋنيۆەرسيادا ويىندارىنىڭ بيۋدجەتىن 1 ميلليارد تەڭگەگە ۇنەمدەۋ مۇمكىندىگى تۋىپ وتىر. وعان دەيىن دە 17 ميلليارد تەڭگەنى ۇنەمدەگەنبىز. ەندى وعان 1 ميلليارد تەڭگە جانە قوسىلدى»، - دەدى ن. نۋروۆ.

ەسكە سالا كەتەيىك، الماتىدا قىسقى ۋنيۆەرسيادا 28- قاڭتار مەن 8- اقپان ارالىعىندا وتەدى. سايىسقا 55 ەلدەن 2 مىڭعا جۋىق سپورتشى قاتىسادى. ۋنيۆەرسيادادا قاتىسۋشىلار 8 عيماراتتا 12 سپورت تۇرىنەن باق سىنايدى. بارلىعى 543 مەدال ساراپقا سالىنادى. ۋنيۆەرسياداعا 3 مىڭ ەرىكتى تارتىلىپ وتىر. شاراعا 30 مىڭعا جۋىق قازاقستاندىق جانە شەتەلدىك تۋريست كەلەدى دەپ كۇتىلىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى