ادامنىڭ باسىن الماستىرۋ وپەراتسياسى 2017-جىلى جاسالۋى مۇمكىن

كاناۆەرونىڭ ءادىسى بۇرىن ءبىر مايمىلدىڭ باسىن ەكىنشىسىنە اۋىستىرۋ ادىسىنە نەگىزدەلىپ وتىر. الايدا ول كەزدە مايمىل بار بولعانى توعىز كۇن ءومىر ءسۇردى، ونىڭ يممۋندىق جۇيەسى بوگدە دەنەنى قابىلداماعان. حيرۋرگ وتا جاساۋدىڭ تەحنولوگياسىن جاقىن ەكى جىلدا جەتىلدىرۋدى كوزدەپ وتىر. ول ءوزىنىڭ جوباسىن امەريكانىڭ ورتوپەديا جانە نيەۆرولوگيا حيرۋرگتارىنىڭ اكادەمياسىندا وتەتىن كونفەرەنتسيادا تانىستىرۋدى جوسپارلاپ قويدى.

دارىگەردىڭ ايتۋىنشا، باستى اۋىستىرۋ وپەراتسياسى ەڭ الدىمەن پاتسيەنتتىڭ دەنەسى مەن دونوردىڭ جاسۋشالارى وتتەگىسىز اعزادا ءومىر سۇرە العانشا سۋىتۋدان باستالادى. سودان كەيىن ءىرى قانتامىرلارى مەن جۇلىن بولەك الىنادى. دونور مەن ناۋقاس جۇلىندارىنىڭ ۇشى ارنايى زاتپەن جابىستىرىلادى. وسىدان كەيىن ادام قوزعالماۋى ءۇشىن ءتورت اپتا بويى جاساندى كوماعا جاتقىزىلادى، بۇل كۇرەتامىرلار مەن بۇلشىق ەتتەردىڭ جازىلۋى ءۇشىن قاجەت. كاناۆەرونىڭ ايتۋىنشا، ادام ويانعاننان كەيىن ءوزىنىڭ ءتۇرىن سەزىنىپ، ءبىر جىلدىڭ ىشىندە قايتادان ءجۇرىپ ۇيرەنەدى.

ايتا كەتەيىك، ادامنىڭ باسىن اۋىستىرۋ تۋرالى يتاليا حيرۋرگتارىنىڭ اراسىندا قىزۋ پىكىرتالاس بولدى. دارىگەرلەردىڭ كەيبىرى بۇل جوبانى مەديتسينا سالاسىنداعى سەرپىن دەپ قابىلداسا، ەندى ءبىرى مۇنداي وپەراتسيا ساتسىزدىككە ۇشىراتادى دەپ ەسەپتەيدى. دارىگەرلەردىڭ سوزىنە قاراعاندا، بۇل ماسەلەنىڭ تەحنيكالىق جاعى مۇلدەم زەرتتەلمەگەن.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى