الماتى- قاپشاعاي تاس جولى 2017 - جىلدان باستاپ اقىلى بولادى

بۇل تۋرالى ءمينيستردىڭ قاتىسۋىمەن وتكەن جول قۇرىلىسىمەن تانىسۋ بارىسىندا ق ر ينۆەستيتسيالار جانە دامۋ ۆيتسە- ءمينيسترى جەڭىس قاسىمبەك ايتتى.

قازىرگى تاڭدا اتالعان تاس جولدىڭ 104 شاقىرىمى جوندەلىپ جاتىر. ونىڭ 10 شاقىرىمى بيىل پايدالانۋعا بەرىلەدى. 63 شاقىرىم جول 6 جولاقتى، قالعان بولىگى 4 جولاقتى بولادى دەپ جوسپارلانۋدا.

«الماتى- قاپشاعاي» تاس جولى بويىنشا جۇمىس ەكى جىل بۇرىن باستالدى. جوبا كەلەسى جىلى بىتەدى دەپ جوسپارلانۋدا. ول ساپاسى جوعارى ءبىرىنشى ساناتتاعى بەتونمەن قاپتالعان جول بولادى. كەلەسى جىلى جولدى تولىعىمەن جابدىقتاپ، 2017 - جىلدان باستاپ اقىلى جۇيە ەنگىزىلەدى»، - دەدى ج. قاسىمبەك.

ازىرگە جول باعاسى قانشا بولاتىنى بەلگىسىز.

«مەنىڭ ويىمشا، «استانا- بۋراباي»  تاس جولى سياقتى 1 شاقىرىمىنا 1 تەڭگەدەن بولاتىن شىعار. كەلەسى جىلى ءبىز «استانا- بۋراباي»  تاس جولىنان 1 ميلليارد 200 ميلليون تەڭگە قارجى ءتۇسىرۋدى جوسپارلاپ وتىرمىز. ءسويتىپ، جول ءوزىن- ءوزى قامتاماسىز ەتەتىن بولادى»، - دەدى ۆيتسە- مينيستر.

اۆتور:   گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى