قازاقستان نارىعى 2017- جىلى وتاندىق جانارمايمەن تولىق قامتاماسىز ەتىلەدى
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر ەنەرگەتيكا ءبىرىنشى ۆيتسە- ءمينيسترى ۇزاقباي قارابالين ءمالىم ەتتى.
ونىڭ اتاپ وتۋىنشە، مۇناي وڭدەۋ زاۋىتتارىنىڭ وندىرىستىك قۋاتى ەلىمىزدىڭ ىشكى نارىعىن اشىق ءتۇستى مۇناي ونىمدەرىمەن تولىق قامتاماسىز ەتۋگە قاۋقارى جەتپەيدى. زاۋىتتار ءجۇز پايىزعا جۇمىس ىستەگەننىڭ وزىندە رەسپۋبليكاداعى جانارماي تاپشىلىعى 30-40 پايىزدى قۇراپ وتىر. ال ىشكى نارىقتا جانارمايمەن قامتاماسىز ەتۋ ءۇشىن ەڭ بىرىنشىدەن كورشى رەسەيدەن جانە باسقا دا ەلدەردەن ەكسپورتتاۋعا ءماجبۇرمىز.
«قازاقستاننىڭ مۇناي وڭدەۋ زاۋىتتارىنا قازىرگى ۋاقىتتا جۇرگىزىلىپ جاتقان جاڭعىرتۋ جۇمىستارى 2016 - جىلى اياقتالۋى ءتيىس. ال 2017 - جىلدان باستاپ ءبىز وزىندىك ءوندىرىس ەسەبىنەن ىشكى نارىقتىڭ قاجەتتىلىگىن تولىعىمەن قامتاماسىز ەتەتىن بولامىز»، - دەدى ۇ. قارابالين.
سونىمەن قاتار ول ءوز سوزىندە ق ر ەنەرگەتيكا مينيسترلىگى وڭىرلەر شەگىندە مۇناي ونىمدەرىنىڭ جەتكىزىلۋىنە كۇندەلىكتى مونيتورينگ جۇرگىزىپ وتىرعانىن باسا ايتتى.
