الداعى 2017 - جىلدان باستاپ ەلىمىزدە قىسقا مەرزىمگە تۇتقىندالاتىن ادامداردىڭ سانى ارتا ءتۇسۋى كۇتىلۋدە

بۇل تۋرالى بۇگىن ب ا ق وكىلدەرىنە ق ر باس پروكۋرورىنىڭ ءبىرىنشى ورىنباسارى يوگان مەركەل ءمالىم ەتتى.

«جاڭا قىلمىستىق كودەكس تۇرمەدەگى ادامداردىڭ سانىن قىسقارتۋعا قاتىستى قازىرگى زامانعى بارلىق تالاپتاردى وزىنە سىڭىرگەن»، - دەدى ول.

دەگەنمەن، ونىڭ سوزىنە قاراعاندا، قىسقا مەرزىمگە تۇتقىنعا الىنعان ادامداردىڭ سانى ارتا ءتۇسۋى كۇتىلۋدە. ال بۇل رەسپۋبليكاداعى قابىلداۋ-تاراتۋ ورىندارىنىڭ ارتۋىن تالاپ ەتەدى.

«رەسپۋبليكالىق بيۋدجەتتىك كوميسسيا قارجى ءبولدى. ءبىراق، بۇل قابىلداۋ-تاراتۋ ورىندارىن سالۋ قاجەت. وسىعان بايلانىستى جەڭىل-جەلپى قىلمىس جاساعانداردى تۇتقىنداۋ 2017 - جىلدىڭ 1 - قاڭتارىنان باستاپ كۇشىنە ەنەدى»، - دەدى باس پروكۋروردىڭ ءبىرىنشى ورىنباسارى.

ايتا كەتەيىك، بۇگىن ەلوردادا ق ر باس پروكۋراتۋراسى ينستيتۋتىنىڭ ۇيىمداستىرۋىمەن قىلمىستىق، قىلمىستىق ءىس جۇرگىزۋ، قىلمىستىق اتقارۋ، اكىمشىلىك قۇقىق بۇزۋشىلىق كودەكستەرىنىڭ جاڭا مودەلىنە كوشۋ ماسەلەلەرى جونىندەگى سەمينار كەڭەس ءوز جۇمىسىن باستادى. وعان پارلامەنت دەپۋتاتتار، پرەزيدەنت اكىمشىلىگىنىڭ، جوعارعى سوتتىڭ ىشكى ىستەر، ادىلەت مينيسترلىكتەرىنىڭ، پروكۋراتۋرا ورگاندارىنىڭ وكىلدەرى، عالىمدار مەن قۇقىقتانۋشىلار قاتىسۋدا.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى