الماتىدا 2017 -جىلى وتەتىن 28- قىسقى ۋنيۆەرسيادا ويىندارىنا ارنالعان كەرى ساناق ستەلاسى اشىلدى - فوتو
سالتاناتتى اشىلۋ راسىمىنە الماتى قالاسى اكىمىنىڭ ورىنباسارى زاۋرەش امانجولوۆا، «الماتى ق. حالىقارالىق سپورت جوبالارى ديرەكسياسى» مەملەكەتتىك قورىنىڭ ديرەكتورى يليا ورازاقوۆ جانە قالاداعى جوعارى وقۋ ورىندارىنىڭ ستۋدەنت جاستارى، ۆولونتەرلار مەن قالا تۇرعىندارى قاتىستى.
ءوز سوزىندە زاۋرەش ءجۇمانالي قىزى الماتىدا مۇنداي ستەلا وسىمەن ەكىنشى رەت اشىلىپ وتىرعاندىعىن ايتتى.
«وزدەرىڭىز بىلەسىزدەر، ءبىز الماتىدا 2011 -جىلى قىسقى ازيا ويىندارىن ويداعىداي وتكىزدىك. سوعان 100 كۇن قالعاندا ءدال وسى جەردە ارنايى ستەلانى اشقان بولاتىنبىز. بۇگىن مىنەكي، ءداستۇرلى تۇردە، 2017 -جىلى وتەتىن قىسقى ۋنيۆەرسيادا ويىندارىنا ارنالعان كەرى ساناق ستەلاسىن اشقالى وتىرمىز. ەندى كۇندە وسى جەرمەن وتەتىن قالا تۇرعىندارى مەن قوناقتارى ۋنيۆەرسياداعا قانشا كۇن قالعانىن ءبىلىپ جۇرەتىن بولادى. ۋنيۆەرسيادانىڭ ءبىزدىڭ قالا ءۇشىن ماڭىزى وتە زور. سونىڭ ارقاسىندا بۇكىل الەم حالقى ءبىزدى جاقىن تاني تۇسەدى. قازاقستاننىڭ بەدەلى ارتادى. ال ۋنيۆەرسيادا مۇرالارى بولىپ سانالاتىن سپورت نىساندارى كەيىن حالىق يگلىگىنە پايدالانىلادى. جاڭا جۇمىس ورىندارى اشىلادى. ەلىمىزدە سپورت ويىندارى ودان ءارى قارقىندى تۇردە دامي تۇسەدى»، - دەدى ز. امانجولوۆا.
وسىدان كەيىن زاۋرەش امانجولوۆا، يليا ورازاقوۆ پەن 28- قىسقى ۋنيۆەرسيادا ويىندارىنىڭ دەمەۋشىسى - LG كومپانياسىنىڭ ۆيتسە- پرەزيدەنتى لي سان حۋن ۇشەۋى ستەلانىڭ قىزىل لەنتاسىن كەسىپ، شىمىلدىعىن اشتى. ستەلا سۇڭقار قۇستىڭ قاۋىرسىندارى تۇرىندە جاسالعان. سونىمەن، الماتىدا وتەتىن قىسقى ۋنيۆەرسياداعا بۇگىن - 500 كۇن قالدى.
ەستەرىڭىزگە سالا كەتەلىك، ۋنيۆەرسيادا ويىندارى الماتى قالاسىندا 2017 -جىلى 28^- ء^شى قاڭتار مەن 8- اقپان ارالىعىندا سپورتتىڭ 13 تۇرىنەن وتەتىن بولادى. ولار: مانەرلەپ سىرعاناۋ، شورت- ترەك، تاۋ شاڭعىسى، سنوۋبورد، بياتلون، شاڭعى جارىسى، شايبالى حوككەي، كەرلينگ، شاڭعىمەن تۇعىردان سەكىرۋ، شاڭعى قوسسايىسى، كونكي جارىسى، فريستايل جانە دوپتى حوكەيدىڭ كورنەكى ءتۇرى.
اۆتور: جاپپاربەرگەن ايبوتا
