ۇلتتىق قور قاراجاتى 2017 - جىلعا قاراي 121 ميلليارد دوللارعا جەتەدى - م. قۇسايىنوۆ

بۇل تۋرالى بۇگىن سەنات دەپۋتاتتارىمەن كەزدەسۋ بارىسىندا ۇلتتىق ەكونوميكا ۆيتسە- ءمينيسترى مارات قۇسايىنوۆ ءمالىم ەتتى.

ۆيتسە- ءمينيستردىڭ سوزىنە قاراعاندا، الداعى ۋاقىتتا مۇنايدان تۇسەتىن كىرىستەردى ودان ءارى ۇلتتىق قورعا اۋدارىپ، ونداعى قاراجاتتى پايدالانۋدى شەكتەۋ كوزدەلەدى.

 «ۇلتتىق قوردى باسقارۋ جونىندەگى كەڭەستىڭ شەشىمىنە سايكەس، 2015-2017 - جىلدار ارالىعىنداعى كەپىلدەندىرىلگەن ترانسفەرت جىل سايىن 1,702 ترليون تەڭگەگە ۇلعايادى. ال 2014 - جىلعى رەسپۋبليكالىق بيۋدجەتتى ناقتىلاۋ بارىسىندا ۇلتتىق قوردان بولىنەتىن ءبىرىنشى ترانش 500 ميلليارد تەڭگەنى قۇراعانى بەلگىلى، بۇدان بولەك، قوسىمشا 325 ميلليارد تەڭگەگە نىسانالى ترانسفەرتتەر قاراستىرىلادى. ونىڭ 250 ميلليارد تەڭگەسى پروبلەمالىق كرەديتتەر قورىن قارجىلاندىرۋعا، 50 ميلليارد تەڭگەسى ارنايى ەكونوميكالىق اۋماقتار قۇرىلىسىنا، 25 ميلليارد تەڭگەسى يندۋستريالىق- يننوۆاتسيالىق جوبالاردى دامىتۋعا جۇمسالادى»، - دەدى مارات قۇسايىنوۆ.

 ونىڭ ايتۋىنشا، مۇناي كىرىستەرىن قوسىمشا پايدالانۋ بارىسىندا ۇلتتىق قور قاراجاتىنىڭ جيناقتاۋ فۋنكتسياسىن ساقتاۋ ءۇشىن ونداعى تومەندەتىلمەيتىن قالدىق كولەمى ءى ج ءو- گە 20 پايىزدان 30 پايىزعا دەيىن ارتتىرىلعان.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى