قازاقستان 2017-جىلدىڭ 1 توقسانىندا 17,1 ميلليون توننا مۇناي ەكسپورتتادى

ەنەرگەتيكا مينيسترلىگىنىڭ باسپا ءسوز قىزمەتىنەن حابارلانعانداي، ق ر ۇكىمەتىنىڭ جۇمىس جوسپارىن ورىنداۋ ماقساتىندا ءبىرىنشى جارتىجىلدىقتا مينيسترلىكتىڭ الدىنا الەۋمەتىك-ەكونوميكالىق دامۋدىڭ 9 ماقساتتى ينديكاتورلارىنا قول جەتكىزۋ مىندەتى قويىلعان.

جىل سوڭىنا دەيىن تاۋ-كەن ونەركاسىبىنىڭ جالپى كولەمى يندەكسىنىڭ ءوسىمىن 103,6 پروتسەنتكە جەتكىزۋ جوسپارلانىپ وتىر. 2017-جىلدىڭ ءبىرىنشى توقسانىنىڭ قورىتىندىسى بويىنشا، ماقساتتى ينديكاتورلار بويىنشا وسىمگە قول جەتكىزىلدى.

وندىرىلگەن مۇناي مەن كوندەنسات كولەمى 21,1 ميلليون تونناعا جەتتى. جالپى ءونىم كولەمى 5,2 پروتسەنتكە ارتتى. نەگىزگى ءىرى جوبالار بويىنشا وندىرىستەن: قاشاعان بويىنشا (1,6 ميلليون ت)، تەڭىز بويىنشا (7,3 ميلليون ت.)، قاراشىعاناق پەترولەۋم بويىنشا (3,2 ميلليون ت) ءونىم ءوندىرىلدى.

«ىشكى نارىقتى وتاندىق جانارمايمەن قامتاماسىز ەتۋ مىندەتى تولىعىمەن ورىندالدى. بەنزينمەن قامتاماسىز ەتۋ دەڭگەيى %68 جوسپار بويىنشا %80,9 جەتتى. جانارمايمەن قامتاماسىز ەتۋ %86 جوسپارى بويىنشا %99,3، اۆياكەروسينمەن قامتاماسىز ەتۋ %47 پايىز جوسپار بويىنشا %47,1 بولدى»، - دەلىنگەن ۆەدومستۆونىڭ حابارلاماسىندا. ءساۋىر ايىنداعى جاعداي بويىنشا، گازداندىرۋ دەڭگەيى %46,3 بولدى.

ەلەكتر ەنەرگياسىن ءوندىرۋ كولەمى 27,1 ميلليارد كۆت/س. كومىر ءوندىرۋ كولەمى 27,8 ميلليون توننانى قۇرادى.

اۋدارما: ايدار وسپاناليەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى