ءاليا مەرگەمبايەۆا «الەم ارۋى-2016» بايقاۋىنان شىعىپ قالدى
بۇل تۋرالى ول ءوزىنىڭ ينستاگرام اككاۋنتىندا حابارلادى. «قايىرلى ءتۇن، دوستار! بۇگىن ءبىز ۇزدىك جيىرمالىققا ەنگەن ارۋلاردىڭ شىعارماشىلىق بايقاۋىن تاماشالادىق. ءبارى وتە قىزىقتى ءوتتى، راسىمەن دە ءبىزدىڭ قىزدار وتە سۇلۋ ءارى تالانتتى»، - دەپ جازدى ءاليا.
«الەم ارۋىنىڭ بۇل كەزەڭىنە ءوتتىڭىز بە؟» دەگەن وقىرمان سۇراعىنا ءاليا: «وكىنىشكە وراي، وتكەن جوقپىن»، - دەپ جاۋاپ بەردى.
ۇزدىك جيىرما ارۋ اراسىنان توپ-10 قۇرامىنا پولشا، ۆەنگريا، لاتۆيا، موڭعوليا، چيلي، حورۆاتيا، مالتا، فيليپپين، ۋكراينا جانە كانادادان كەلگەن قىزدار ەندى.
ەسكە سالا كەتسەك، «قازاقستان ارۋى-2015» ءاليا مەرگەمبايەۆا «الەم ارۋى-2016» بايقاۋىنا دايىندالۋ ءۇشىن ۆاشينگتونعا كەلدى. قىزدىڭ ايتۋىنشا، دايىندىقتار تاڭ اتپاستان باستالىپ، شىعارماشىلىق تاپسىرماعا باسا كوڭىل بولىنەدى. قازاقستاندىق قاتىسۋشى ۇلتتىق اسپاپ - دومبىرادا ويناعان. دايىندىقتىڭ العاشقى كۇنى ۇيىمداستىرۋشىلار قىزداردى قىزىل، اق جانە كوگىلدىر ءتۇستى ءۇش توپقا بولگەن. ءاليا موڭعوليا، ۆەنەسۋەلا، مالتا، شوتلانديا ارۋلارىمەن بىرگە قىزىل توپقا تۇسكەن.
