الماتىدا «التىن قالام - 2016» ادەبي جۇلدەسىنىڭ جەڭىمپازدارى ماراپاتتالدى
«ىقىلاس اتىنداعى حالىق مۋزىكالىق اسپاپتار مۇراجايىندا جەڭىمپازداردىڭ ەسىمى جاريالاندى. جۇلدەنىڭ قىسقا تىزىمىنە قازاقستاننىڭ ءار وڭىرىنەن قاتىسىپ وتىرعان اۆتورلاردىڭ ورىس جانە قازاق تىلدەرىندە جازعان 30 شىعارماسى 6 اتالىم بويىنشا ەنگىزىلدى»، - دەلىنگەن تاراتىلعان حابارلامادا.
جۇمىستار 2016-جىلدىڭ 1- شىلدەسىنەن باستاپ 15- قازانعا دەيىن قابىلداندى. كەيىن وقىرماندار 31- قازانعا دەيىن داۋىس بەردى. بارلىق شىعارما akalam.kz سايتىنا ورنالاستىرىلدى.
بيىل ادەبي جۇلدەگە 446 اۆتور ءارتۇرلى جانردا جازىلعان 863 شىعارمانى ۇسىندى. ۇيىمداستىرۋ كوميتەتىنىڭ جانە قازىلار القاسىنىڭ قۇرامىنا قۋات دومباي، دوسىم ساتپايەۆ، كەنجە جۇمان ۇلى، ايدوس سارىم، ارمان شورايەۆ، راسۋل جۇمالى، ايگەرىم رايىمقۇلوۆا، تاتيانا فيليپچيك جانە باسقالار ەندى.
قازىلار شەشىمىمەن انىقتالعان جەڭىمپازدار: «جىلدىڭ ۇزدىك پوەزياسى»: ايمانبەتوۆ داۋرەن (شىعارماسى - «اللو.») - شىمكەنت قالاسى. «جىلدىڭ ۇزدىك پروزاسى»: ءابۋزاروۆا جانەل (شىعارماسى - «تەزەكباي») - الماتى قالاسى.
«جىلدىڭ ۇزدىك كينو سەناريى جانە دراماتۋرگياسى»: قامي نۇرلان (شىعارماسى «قالامگەر») - الماتى قالاسى.
«جىلدىڭ ۇزدىك بالالار جانە جاسوسپىرىمدەر ادەبيەتى»: ءسۇتتىباي ورىنباسار (شىعارماسى «قاناتتى بارىس، كوك ءبورى جانە بابىر باتىر») - وڭتۇستىك قازاقستان وبلىسى.
«جىلدىڭ ۇزدىك ساتيراسى»: بايبوسىن سايلاۋ (شىعارماسى «اسقازانىڭىز اۋىرماي ما؟») - ەكىباستۇز قالاسى.
«جىلدىڭ ۇزدىك فانتاستيكا نەمەسە دەتەكتيۆ شىعارماسى»: نۇرمۇحانبەت دىلداگۇل (شىعارماسى «قۇپيا جاشىك تۇتقىنى») - الماتى قالاسى.
ورىس تىلىندە جازىلعان شىعارمالار بويىنشا: «لۋچشايا پوەزيا گودا»: ناتاليا سلۋدسكايا (شىعارماسى «ورانجيەۆوە نا سەروم») - الماتى قالاسى. «لۋچشايا پروزا گودا»: جانايداروۆ ورىنباي (شىعارماسى «پوسلەدنيي حان زولوتوي وردى») - كوكشەتاۋ قالاسى. «لۋچشايا دەتسكايا ي پودروستكوۆايا ليتەراتۋرا گودا»: باۋىرجانوۆا گۇلنۇر (شىعارماسى «نيەۆوزموجنوە. اۆتورۋ 14 لەت») - پاۆلودار. «لۋچشايا ساتيرا گودا»: دەنيسوۆا ناتاليا (شىعارماسى «تاراكانى ۆ گولوۆە») - قىزىلوردا. «لۋچشايا فانتاستيكا ي دەتەكتيۆى گودا»: لازاريەۆا ليۋدميلا (شىعارماسى «كوورديناتور») - الماتى قالاسى. «لۋچشيي كينو سەناري ي دراماتۋرگيا گودا»: راقىمبايەۆا مادينا (شىعارماسى «سنەگوپاد»).
سونىمەن قاتار، قازىلار القاسىنىڭ شەشىمىمەن «بابالار ءسوزى» ءجۇز تومدىعىن شىعارعان م. اۋەزوۆ اتىنداعى ادەبيەت جانە ونەر ينستيتۋتى «قازاق ادەبيەتىنە قوسقان ەلەۋلى ۇلەسى ءۇشىن» اتالىمى بويىنشا ديپلومىمەن ماراپاتتالدى. بۇدان بولەك، بيىل قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي قازاقتىڭ ۇزدىك رومانىنا العاش رەت ارنايى بايگە جاريالاندى.
«جىلدىڭ ۇزدىك رومانى» اتالىمى بويىنشا «مەن جىندىمىن» شىعارماسىمەن جەڭىمپاز اتانعان ساۋكەتايەۆ تۇرىسبەك مەتسەنات كەڭەس راقىشيەۆ تاعايىنداعان 1000000 تەڭگەگە يە بولدى. سونىمەن قاتار، QAZKOM بانكىنىڭ قارجىلاي قولداۋىمەن بايقاۋدىڭ تاڭداۋلى شىعارمالارى 2017-جىلى جارىق كورەتىن «التىن قالام 2016» ادەبي جۇلدەسىنىڭ جيناعىنا ەنەدى. سونداي-اق بيىل بايقاۋعا قازاقستاندىق اۆتورلاردان بولەك ا ق ش، مالايزيا، گەرمانيا، چەحيا، ۋكراينا، رەسەي، وزبەكستان، قىرعىزستان جانە يزرايل ازاماتتارى دا قاتىستى.
«بيىل ءبىزدى QAZKOM بانكىنەن بولەك، «ZHERSU» ينۆەستيتسيالىق-وندىرىستىك كورپوراتسياسى باقىلاۋ كەڭەسىنىڭ ءتوراعاسى، بەلگىلى مەتسەنات باۋىرجان وسپانوۆ، سونداي-اق، قازاقستان باسپا ءسوز كلۋبى مەن قازاق راديوسى قولداپ وتىر»، - دەلىنگەن حابارلامادا.
