ريو-2016: ولجاس ساتتىبايەۆ شيرەك فينالدان ءارى وتە المادى

ول شيرەك فينالدا ءازىربايجاندىق بوكسشى ەلۆين ماميشزادان 3:0 ەسەبىمەن ۇتىلىپ قالدى.

ەندى ءبىر ساعاتتان كەيىن، ياعني استانا ۋاقىتىمەن 22:00 دە 75 كەلىگە دەيىنگى سالماقتا جانىبەك ءالىمحان ۇلى شيرەك فينالعا (1/4) شىعادى. سونداي-اق، 03:30 دا 69 كەلىگە دەيىنگى سالماقتا بوكستان قازاقستان ۇلتتىق قۇراماسىنىڭ كوماندا كاپيتانى دانيار ەلەۋسىنوۆ جارتىلاي فينالدا ونەر كورسەتەدى.

ال وسى بوكسشىلاردان كەيىن، 04:15 تە 91 كەلىگە دەيىنگى سالماقتا ۆاسيلي ليەۆيت فينالدا جۇدىرىقتاسىپ، ريو وليمپياداسىنىڭ التىنىنا تالاسادى.

سونىمەن بۇگىن بەسىنشى بوكسشىمىز ريو وليمپياداسىنداعى جارىسىن اياقتادى. ەندى جارىس جولىندا بەس بوكسشىمىز قالدى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى